NDU GUPAI DUHE TI NI NA NYANYAKIPAHA: Ka si du nga “gu rugapai du berã boro yo si wa kina ngirimo,” asanahe wakina he tipa ka gbehe na ni. (Snz 20:5) Asanahe naundo rani ani kodi agu aboro nadegatuyo ku rogo sakapai. Akaragapai kuti wene siakasiaka asanahe dedede naaye aye na wene sangbanaha. Yesu amangisunge na asanahe wenengai. Wai gu rengbe ani ka wirika ko?

WAI RENGBE BORO KA MANGAHA:

• Mo fu asanahe tipa ka ino ga boro bipai. Yesu afu badungu asanahe tipa ka ino gu bipai nangia ga gako abawiriki. (Mt 16:13-16; be-E kpe. 238 genewa. 3-5 watadu be-F kpe. 238 genewa. 3-5) Gini asanahe tipa ka ino ga boro bipai rengbe mo ka sana ha?

• Mo sana agu asanahe nasa boro ni da kuti pai. Tipa ka rugusa gu bipai nangia ga Petero, Yesu afu asanahe na ki fu agu akaragapai nasako Petero da kuti ruru bipai. (Mt 17:24-26) Gini sanahe nga gu nasa boro ni da kuti pai rengbe mo ka sana ha nga gu rengbe ka undo boro ni da kuti ruru bipai?

• Mo fu tambuahe fu gu boro nadegatuni. Fuo bakeapai karagapai “nzunzu,” Yesu atambua ko. (Mk 12:34) Wai gu rengbe mo ka tambua gu boro fu karagapai kuti sanahe?

ONI BI BAMBATA PAPARA GU VIDIO NGA, MO MANGI GU SUNGE YESU AMANGIHE—YUGOPAI, NA ONI KI KARAGAPAI KUTI AGI ASANAHE RE:

• Tipagine du gi kpiapai re ti ni ni gbegberẽ yugopai, wa vura duhe vuru nga gu tingidapai re ni kina ruruhe?

• Tipagine si aidanga ani saki kina rogo pai yo ti ni gbua ya?

ONI BI UE PAPARA GU VIDIO RE, NA KI KARAGAPAI KUTI AGI ASANAHE RE:

• Wai gu gi wirina re ni mangisunge na asanahe ngba wene gene?

• Gini kura apai rengbe ani ka wirikaha ti gako yugopai?