Ho mo abi mbumbudo ni na wene arangi he, akerekuru ngbangbaturũ yo, watadu gu ime nauka rii mbia yo na ba woroho, ya mo mo naabi gu mangaapai nga ga Bakusiahe? Gu kusikusiahe du pati rani kirikiri nayugo gu ga Yekova asino ayugo ziazia ka i abingo ho ya. (Rom 1:20) Ho ani aru ni ka berãkurii agu ahe ani abihe na bangirani, ani ima rengba ka bi gu ome nga ga Mbori, gako nyemuse, tatamana, na gako ruru sarangbanga, gbiati gako wenesino.​—Tam 104:24.

Gini bete ga Yekova kusikusiahe mo naabihe naˈuru dũ? Ka si vura du nga mo naraka vuru bagbata, mo ima rengba ka bi azire watadu angua. Dia regbo kaa wisigo ga Yekova kusikusiahe ima rengba ka undo rani ka ani dunga na bakere bakabangirise ya, ka sarani ani moi berãrani kuti gupai du na nyanyakipaha, na ka kiiso gaani idapase kuti gu rengba du Yekova na ni ka ngerafuo rani nyeanye kindi. (Mt 6:25-32) Ka si du nga mo na agude bero, mo undo yo i bi gu ga Yekova asino ka i aringbisanga ha na ai he ya. Wa ani kaa kiiso gaani tambuahe tipa gu kusikusiahe du pati rani, ani nika du mbembedi na Bakusiahe.​—Tam 8:3, 4.

ONI BI GU VIDIO NGA, GU IIRIWOAPAI DU TI KUSIKUSIAHE NAYUGO GA MBORI TAARIMO​—IMARAGO NA RANGI, NA FUOHO, ONI KI KARAGAPAI KUTI AGI ASANAHE DU KUSENDE RE:

• Gini ahe nasa rani ani bi arangi?

• Ginihe nasa kura arangi si naasaka tihe?

• Tipagine ani abi rago ti ni ariyo na arangi ni bakiakia?

• Gini bawene rangi ti kusikusiahe mo naabihe mbembedi na kpuro?

• Tipagine si aida ani di regbo ti ni ka wisigo kusikusiahe?