AŨKUMUKO ROGO FUGO MBORI YO | EYOBO 16-20

Oni Ngarasi Akuaroni na ki Nyakasiyo na Wene Afugo

SI TONA MANGASUNGE

Si naida afugo bafurugute du ni agu afugo nika ngarasa aboro angarasa

16:4, 5

Eyobo adu rogo bakere gberãrago, ko aaida undo na ngarasaro be aboro
Abadiangba Eyobo biata aafunga wasa fuko te. Kuba gure, i akitingbanga ko, si ki kiisi gako gberãrago kina kumbatayo

19:2, 25

Erifaza:

Si nawira ko adu rogo gu ba nga Temana nadu Edome yo. Yeremaya 49:7 naya tipa Temana nadu Edome yo we, si nangia ringara tatamana
Si nawira wa Erifaza nangia bakumba dagba agu “abangarãsi boro” nafura ni bambataha. Ko afura tipa apai biata ni gbangaha ti aguyo nadu ue

Zire kitangbangase:

Ko asawia padu Eyobo ni ruruko na ki ya Mbori akidongo kutiko te (Eyo 4, 5)
Ko aya Eyobo nga iraenda ki du ni gbegberẽ boro agundenga ti Mbori ya (Eyo 15)
Ko akitingbanga Eyobo nga ko nga boro ngbaduse, na ki ngia gbegberẽ boro na sunge tiko bangiri Mbori te (Eyo 22)

Biridada:

Ko angia boro Sua. Si nawira wa ko araki pati gu di nangia Ferata
Ko naafura ni uehe. Ko afura tipa apai biata ni guruguruhe si ki gberẽ ki susi ga Erifaza

Zire kitangbangase:

Ko agumba gupai nga awiri Eyobo nga aboro ingapai si rẽarẽ i gbia mbusa, na Eyobo nga zangasinombori (Eyo 8)
Ko aya Eyobo nga bamangi gbegberẽpai (Eyo 18)
Ko aya padu boro ni ruru ni na sunge ti ni te (Eyo 25)

Sofara:

Ko angia boro Nama, Araba yo bangbanda nodiyo na dioyo
Ko nangia gu biata boro nafura, afugo ko aima gberã ki susi ga akurako dunduko. Ko afura tipa apai gbua ue

Zire kitangbangase:

Ko aya Eyobo nagumba kungbo afugo na ki ya fuko ko mbu gako gbegberẽ mangaapai (Eyo 11)
Ko aya Eyobo nga gbegberẽ boro, na manga ingapai ima ngba tiko (Eyo 20)

GAANI RAKA NGA GA AKRISTANO NA GAANI SUNGE–WARAGA DUNGURATISE

Zande

Oni Ngarasi Akuaroni na ki Nyakasiyo na Wene Afugo

https://cms-imgp.jw-cdn.org/img/p/202016123/univ/art/202016123_univ_sqr_xl.jpg