RAKA NI AKRISTANO
Oni Gbata gu Wirikapai Naye be Mbori
NDU GUPAI DUHE TI NI NA NYANYAKIPAHA: Gu Bakerepa Bayugupai nga Yekova nafu gu wirikapai furani du ni wenehe ki susi. Ko nayugopai furani tipa wai rengbe ani ka sa gaani raka si du ni wenehe na kini mbakadi rani tipa gu wene raka du kumbatayo—na gi wirikapai re gbua zanga marã! (Yes 11:6-9; 30:20, 21; Yugo 22:17) Gu wirikapai naye be Yekova naundo rani a ani rẽ tipa ka tungusa gu pangbanga nayugo gene bata fu aboro.—2Kor 3:5.
WAI RENGBE BORO KA MANGAHA:
-
Mo sonosi gu sino nga ga umbasitise gbiati du ni bayee.—Tam 25:8, 9
-
Mo di agu arabahe kugume Yekova afuhe foro awere, ni kpiapai, ni manga mo gu sunge nga ga agude sukuru ti regbo gu dunguratise nga ga bebere poso.
-
Mo moi agu asásá nga ga toro tipa tiro.—Frp 3:13
-
Mo mbupa kura apai tipa gupai nga ka du na rengba ka gbia kura arabahe.—Frp 3:8
ONI BI GU VIDIO NGA, KUMUKO ROGO TORO YO MBIKO GU YUGOPAI NGA GA YEKOVA, FUOHO, ONI KI KARAGAPAI KUTI AGU ASANAHE DU KU SENDE RE:
-
Gini ngbatunga akpakarapai kura abatungusipai adibehe tipa gupai nga ka ndu tipa Gu Sukuru Du Tipa Abatungusipa Kindo?
-
Gini ngbatunga rabahe Gu Sukuru Du Tipa Abatungusipa Kindo afuhe?
-
Wai gu agu aboro du rogo dungurati naundo agu aboro nyasi sukuru tingba gayo vovo asunge?
-
Gini apai si aidaha tipa gupai nga boro rẽ tipa Gu Sukuru Du Tipa Abatungusipa Kindo? (kr kpe. 189)
-
Gini kura arabahe rengbe mo ka gbataha rogo ga Yekova riigbu?
Gini amaku mo nika gbiaha ti gbata gu wirikapai naye be Mbori?