“Gu kere kpakarapai nga ga wai arago asakatihe awere naye na bakere bakabangirise fu aboro, gbiati rakiraki ahe dunduko. Kere abavugumo nga gu naye na bakere omehe nagbarasa pa akporo, gbiati gu gene raka nga ga aboro rogo zegino dunduko. Gu raka nga ga gu ungaahe naraka rogo abariwara-baime nada ni mbumbuhe, na gipai re rengbe nasa gi rakirakiahe re si tona ka kpiko.”—Inger Andersen, bakere pa boro rogo basunge nga ga United Nations na kidu ni barugupa sunge rogo gu basunge nga ga UN Environment Programme, Bamburu 25, 2023.

 Ya mo abazogo amangapai kina sa tipa ka mangapai kuti gi kpakarapai re? Ya mo i rengbe ka ye na nyenye zinga kuti gi kpakarapai re?

 Baibiri nafura tipa gu zogarago rengbe na nika mbakada gu kpakarapai nga ga wai arago asakatihe aũkpotosende. Si nape gupai nga ‘Mbori ngbangbaturũ amáa ngbi,’ nga gu zogarago nika zogarago ku aũkpotosende na ki mbakadi agu akpakarapai du rogo zegino dunduko. (Daniere 2:44) Tiibe gu zogarago re aboro “aímisa nga aboro watadu gbarasa” kura aboro aũkpotosende te.—Yesaya 11:9.