Rogo zegino dunduko, dungu aboro nambu be kere hihii aime. Mo bingo agi atingidapai re:

•   “Vuru gu bete auru susi kusayo, bakere mai ana vuru gu bakere gbata nga ga China kisusi, na gipai re aamanganga wo mbata vuru agu agarã yo 140 susi kusayo te. Bangbanda Rago Nzengu na Rago Biata, mai ana badunguroho kidu nga ametere 74.”—AP News, Buza 2, 2023.

•   “Gu kere bavugumo i ayambaha nga Khanun aye na bakere nana mai gbiati kere bavugumo wege Rago Biama kurogo gu papara Japan du ku sudiyo, na aboro wa ue ki kpiki ni sangbanaha . . . . Si nangera wa nana mai nika ni bakerehe badunguroho kidu wa ametere 0.6 rogo agu abaagangara nga ga Taiwan.”—Deutsche Welle, Buza 3, 2023.

•   “Gu hihii ime mai mangi rogo gi digido poso re [Nova Scotia yo] amangi mbiko gu bakere nana mai nana kurogo gu papara Canada du pangba gu bariwara baime nga Ataranitika nga gu naanangawo mbata vuru agu agarã yo 50 susi kusayo ya.”—BBC News, Bamburu 24, 2023.

 Ginipai Baibiri ayugoho tipa gi ngbatunga apai namanga re?

 Baibiri nayugo gupai nga ani naraka ti gu regbo i ayambaha nga “kusa rago.” (2 Timoteo 3:1) Yesu agumba gupai kumbatayo nga ti gi gaani regbo re, ani nika bi “baiiriwo apai,” watadu kere mangimangiapai. (Ruka 21:11) Wai arago asakatihe ima fubee kuti gu kere abavugumo namanga dedede, na kidu ni kerehe gbe.

 Baibiri nagumba gupai furani nga, si naida gu dungu iiriwoapai namanga awere auru kpotosende du ni gupai nafu maabangirise furani tipa kumbatayo. Tipagine? Yesu aya: “Ho oni ka bi agi apai ni re si da, oni ini he ya ga Mbori ngbi mbedi.”—Ruka 21:31; Matayo 24:3.

 Agu apai ani abihe si nimangi awere nayugo gupai nga ga Mbori Kindo nika du barambeda na ome kurii apai nga ga zegino kodihe na pa wai ime asakatihe.—Eyobo 36:27, 28; Atambuahe 107:29.

 Tipa ka wirika kura apai tipa wai ga Mbori Kindo nika mbakada agu akpakarapai nga ga wai arago asakatihe rii kpotosende, mo bi gu kekepai nga “Who Will Save the Earth?”