Rogo Ngi 27, 2023, badungu aboro rogo zegino dunduko nika tingida pa uru kere imo aboro (International Holocaust Remembrance Day.) Gu kere imo aboro namangi agarã 75 kusayo ima rengba ka saro mo bakibangiro tipa ndu gupai Mbori ambu gene ti ni fu gu bakere imo aboro re si mangi.

•   Tipa ka ino gupai Baibiri apehe, mo gedi gu kekeapai nga “Tipagine du Bakere Imotise Ti Ni? Tipagine Mbori Arugusa Nga Ha ti ni Ya?”

 AYudo adu dagba agu aboro narungo nikerehe ti regbo gu bakere imotise re. Badungu amirioni aboro i ata ino aino ni imiyo. I atona a ka serekpo kura ariigbu na ki imiyo ti regbo gu bakere imotise re. ADezire Yekova adu kina dagba yo, nga aguyo i arungosi yo tipa gu gayo ida du mburuhe rii Baibiri.

•   Tipa ka ino kura apai, mo gedi gu kekeapai nga “What Happened to Jehovah’s Witnesses During the Time of the Holocaust?”

 Dungu aboro nagunde nga bakere imo aboro wa gure ima rengba ka manga berewe. Si nipa ngbarago nga, Baibiri nafu gu kido kumbatayo nga kere gbegberẽpai wa gure amanga nga berewe te.

•   “‘Bambiko mi ini agu aberã du ti re koyo du oni ni, wo poi Yekova, berã pa zereda, pa gbegberẽ pai te, ka fu maabangirise fu roni tipa gaoni apai ku mbata yo’”—Yeremaya 29:11. 29:11. a

 Gi maabangirise re nika da ti rengo ho Yekova Mbori nika mangapai ni ka digiso gbegberẽ apai na ki mbakadi agu apai kubaha gi kereapai re naye na ni. Barambeda ko nika:

•   Dia agu aboro kusayo namanga fu akurayo gbegberẽ.—Asanza 2:22.

•   Husa agu aboro gbiatiyo na arungo.—Yugoti 21:4.

•   Zingisa agu aboro nakpiki dunduko berewe ku auru kpotosende.—Yoane 5:28, 29.

 Mo ima rengba kadu nakido kuti gu bawene kidohe Baibiri afuhe re. Tipa ka ino ndu gupai re, ani nasana ro mo asadi gu gaani gene wirika Baibiri du gbua.