Ringbisihe kuti gu riigbu nabipa banda borose nga World Health Organization (WHO), da ku rogo Merekoko 23, 2022, aboro bange yo naima susa amirioni sita kpiki mbiko Korona. Ono tie, rogo gu pangbanga gu riigbu nabipa banda borose (World Health Organization) akusihe rogo Merekoko 5, 2022, i abi gupai nga bange agu aboro kpiki be Korona ima du kuari ti gure. Si ape gupai nga rogo 2020 na 2021, “agu aboro nakpiki be Korona watadu mbiko Korona bangeyo adu. . . mbembedi kuti amirioni bawe na bisue.” Ya mo Baibiri penga ai pai tipa gi ngbatunga kere gbegberẽ apai re?

•    Yesu aima pe gupai nga gberãngbi, watadu “kere ririakaza,” nika du ti gu regbo i ayambaha nga “kusa rago.”—Ruka 21:11; 2 Timoteo 3:1.

 Ga Yesu sangbanebi nadigisotihe areme. Tipa ka wirika dungu apai, mo gedi gu kekeapai nga “What Is the Sign of ‘the Last Days,’ or ‘End Times’?”

•    “Nga Mbori wasa dunduko; nafu wasa fu rani rogo gaani gberãngbi yo dunduko.”—2 AKorindo 1:3, 4.

 Badungu agu aboro zanga gayo aboro rogo kpio yo ima gbia wasa be gu pangbanga nga ga Baibiri. Mo wiriki dungu apai rogo gu kekeapai nga “Mangapai Kuti gu Imisiri Naye Mbiko Pakpio Boro​—Gupai Rengbe Mo ka Mangaha Areme” na gu nga “Bawene Undo fu Agu Aboro Narungo be Kpio Gayo Aboro.”

•    “Ga ngbi yé, Ani mángi rogo kpotosende wa mo akpi nyemu he, wa du he ngbangbaturũ yo.”—Matayo 6:10.

 Barambeda “ga Mbori ngbi” watadu Kindo nika mangapai ka ‘boro kporo sa ayánga, ‘Mi nawoka’ ya.’ (Marako 1:14, 15; Yesaya 33:24) Mo bi gu vidio nga Ga Mbori Kindo Nga Gine? tipa ka inopai tipa gi zogarago du ngbangbaturũ yo re na gupai si nika mangaha.

 Ani nayamba ro mo wiriki dungu apai tipa gupai Baibiri apehe tipa gupai nga mo gbiati gamo aborokporo rengbe ka gbia undo ti gaha arugute nga ga tatamana gbiati gaha bawene akidohe.