ONI NGÉRE TIE!
Iriso Akpiahe—Ginipai Baibiri Ayugoho?
Ringbisihe kuti Catholic News Service, ti regbo gu dunguratise namangi St. Peter’s Basilica yo rogo Marungu 25, 2022, Papa Francis aru barangba kpia Maria na “kisikisi bangiriko na duadua riko kaa manga kparakpee kukiri.” Ko “azungadi Maria” tipa zereda. Bagumba Apangbanga nga ga Vatican ko agbia kurapai kutini nga “Papa amangi Kparakpara Ziazia kparakpee tipa aboro, gbe, tipa aboro Russia na Ukraine, fu Bagunda Maria Imakurata.”
Gamo bipai nga gine? Ya mo si ru aru kaa manga kparakpee barangba akpiahe watadu ka mangasunge na ni rogo irisombori yo? Mo wisigingo agi averesi du kusende re:
“Ka mo mángi nga sese kpiahe ya, na kpia gu he du ngbangbaturũ ari yo, na gu du sende no, na gu du ime yo tii sende yo wa sa ya; ka mo anúgadi nga fu he ya, ka mo aírisa nga ha a ya; bambiko mi Yekova nga gamo Mbori nga iraringo Mbori.”—Gate 20:4, 5. a
“Gayo kpiaahe nga feda na dahabu, nga ũsabe aboro. Ngbaha ti ni, ono si naafura nga te; abangirise ti ni, ono si naabi nga he te; atue ti ni, ono si naagia nga pai na ni te; õse ti ni, ono si naagia nga fuõ he te; abehe ti ni, ono si naazada nga he te; anduhe ti ni, ono si naata nga te; si naafura nga gorõho yo a te. Agu yo namanga ha i du wa kina ha a; na agu yo dunduko nakida kuti ni a.”—Atambuahe 115:4-8.
“Mi nga Yekova, gere nga rimore; mi afú nga gi taarimo fu boro te, gi tambuahe fu sese kpiahe a te.”—Yesaya 42:8.
“Oni óro be irisa kpiahe.”—1 AKorindo 10:14.
“Oni bánda tironi ti kpiaahe.”—1 Yoane 5:21.
Tipa ka ino kura apai tipa gupai Baibiri ayugoho tipa mangasunge na akpiahe rogo irisombori yo, mo gedi gu kekepai nga “The Bible’s Viewpoint—Images” watadu mo bi gu vidio nga Ya mo Mbori Naida Ani Mangisunge na Kpiahe Tipa ka Irisoko?
Mo ima rengba kadu na nyemu gupai Baibiri ayugoho a tipa agi ariipai re:
“Miracles and Apparitions—Signs From God?”
Photo credit: Vincenzo Pinto/AFP via Getty Images
a Yekova nga ndikidi rimo Mbori. (Atambuahe 83:18) Mo bi gu kekeapai nga “Da Nga Yekova?”
Gere Ima Rengba a ka Ngba Tiro
Nyanyakipa Ayugopai Nga ga Baibiri—Avidio
Ya Mo Mbori Naida na pa Mangasunge na Akpiahe Rogo Irisombori Yo?
Ya mo si rengbe ka undo rani ani mbedi na gu Mbori ani arengbanga ka bi ko ya?
ONI NGÉRE TIE!
Pambori na gu Vura du Ukraine Yo—Ginipai Baibiri Ayugoho?
Abarumbatayo nga ga aKanisa tingba vura yo kubani na kubani namangasunge kia na gu pagbia du yo na ni ti gupai Yesu ayuguhe fu apefuoko i nimangihe na gu ko aya ka i mangingo ho ya.
AGU AYUGOPAI NGA GA BAIBIRI
Mo Asadingo Wai Ani Wisigo Baibiri na Aboro
Mo wiriki Baibiri gbua zanga tumo tipaha na gu undo nga ga bayugupai.
