“Gu mosoro nga ga zegino berewe ngbapai,” gere nga gu zahe barii gu Riigbu nga ga World Bank ko apehe rogo gu tingidapai naadu rogo Banzinga 2022. “Geno ahe na geno agu asunge aboro amangaha nasona kuari ni kina boro ipo na aboro na kina bete marã beyo gbua ka ngbe ahe na ni.”

 Gu riigbu nga International Monetary Fund [Gu Riigbu Nasongoda Pa Mosoro Nga ga Aringara] bi gupai nga, “Geno ime-we na riahe ima sona kuari ni kina boro ipo, na gipai re ima du na gbegberẽ sangbanaha kurii agu aboro du rogo agu aringara du ni kere rungorungoho.”

 Baibiri naundo rani ani rugutirani na ndu gupai ani agbiatirani ti ni na ngbatunga gi kere kpakarakpakara zingo mosoro re, wai rengbe ani ka mangapai kuti ni, na gu maabangirise duho tipa ka nyasa riipaha nyeanye kindi.

•    Baibiri nayamba gi regbo ani araka ti ni re nga “kusa rago.”—2 Timoteo 3:1.

•    Yesu agumba gupai nga “baiiriwo apai ni kere he,” watadu agu apai naba gunde, nika manga ti gi regbo re. (Ruka 21:11) Aboro nagunde agunde ho geno ahe asona ni. Aboro nabakabangiriyo tipa gayo raka kumbatayo na singia i adu narengba ka gbia agu ahe si aidaha tipa gayo kporo.

•    Gu buku nga Yugoti aima gumba gupai kumbatayo nga geno riahe nika sona ti gi regbo re. “Mi ki gi he wa ka fugo poi. . . . niya, ‘Moduka zendehe wa mapunga sa tipa rukutu marã feda sa’”—Yugoti 6:6.

 Tipa ka wirika kura apai tipa “kusa rago” watadu yangara areme na gu sangbanebi du rogo Yugoti, mo bi gu vidio nga The World Has Changed Since 1914 na ki gedi gu kekeapai nga “Abandurii Afarasi Biama—Ada Nga Yo?”

•    “I adúdua abambu ki niraki rogo; i arũka bakakue aati yo ki niri zuzuhe. I adúa nga bambu kura aboro ki raki rogo ho te; i arũ nga he kura aboro ki ri he te; bambiko wa gu rame nga ga ngua wo rame gimi aboro nikadu, gimi siasia aboro ará zezeredi tipa gbanga rago mbiko gu mangapai nga ga beyo.”—Yesaya 65:21, 22.

•    “ Zende ahe zúku rogo ringara kpaima; si wó ri abaagangara yo.”—Atambuahe 72:16.

•    “Ya Yekova, ‘Mi agúari awere, bambiko pa gbu ga rungorungo aboro ahe, na gu uko nga ga airazingo ahe.’”—Atambuahe 12:5. a

 Barambeda Mbori nika digiso gu kpakaraapai nga ga zingo mosoro nga gu naye mbiko iraira mangapai, angianga gbua rogo bangisa ringara ya, ono rogo zegino dũ. Tipa ka inoho, mo gedi gu kekeapai nga “Is a Fair Economic System Possible?”

 Ono zavura areme, Baibiri ima rengba ka undo ro mo mangipai kuti sona geno ahe. Ngba gini gene? Si na arugute rogoyo tipa wai ka mangasunge na mara ni tatamana. (Asanza 23:4, 5; Batungusipai 7:12) Tipa ka wirika kura apai, mo gedi agu akekeapai nga “Protect Your Livelihood” na “How to Live on Less.”