Rago Bisue, Wegebe 24, 2023, nika ngia garã sa wa kerepai amangi: nga tonatona gu vura du Ukraine yo. Ringbisihe kuti kura apangbanga, abanzengere nga ga Ukraine yo na ga Russia yo bangeyo naima mbeda kuti 300,000 kpiki watadu du na kere oro tiyo na aboro ringara bangeyo naima mbeda kuti 30,000 kpiki rogo gu vura re. Ono gupai du nga, bange agu aboro re ima rengba ka susa gure.

 Si ni pa gberãrago nga ani ainongo gu regbo gu vura re nika nyasa ti ni te.

•   “Si ima mbeda kuti garã sa wa gu riivura nga Russia arimi ku Ukraine yo, agopai ho nayugo gupai nga gi vura re ima mbeda ka nyasa te. Si na wira wa riivura ho nika du na diabese dagba agi ariivura re te, na pai ho nayugo gupai nga gu sakapai tipa zereda du dagba agi ariivura re adunga na wene surungbaha te.”—NPR (National Public Radio), Wegebe 19, 2023.

 Badungu aboro na bakere gberãrago be gu igirã na arungo gi vura re gbiati agu akuraha naye na ni kurii aboro rogo zegino dunduko. Gini maabangirise Baibiri afuhe? Ya mo regbo adu ho vura nika digo ti ni?

 Baibiri nafura tipa gu vura nika batasa aboro, angianga ka gbarasa yo ya. Gu vura re nga Aramegido, i sakipai tipaha nga “gu vura nga ga gu bakere rago nga ga Mbori.” (Yugoti 16:14, 16) Vurube gi vura re, Mbori nika digiso gu zogarago nga wiri aboro nga gu naima ye na badungu kere avura. Tipa ka ino wai Aramegido nika ye na nyenye zereda, mo gedi agi kekeapai re:

•   “Gine Nga gu Vura Nga Aramegido?”

•   “Aramegido Nga Wene Pangbanga!”