ONI NGÉRE TIE!
Aboro-Birĩ-Inohe Gbisi gu Regbo Zegino Nika Digo ti ni Kumbatayo—Ginipai Baibiri Ayugoho?
Rogo Ngi 24, 2023, aboro-birĩ-inohe agbisi regbo a digido zegino kuti bebere yuru nga gu nayugo gupai nga digido zegino ima da.
“Gu ‘Regbo re’ aayugo pa gu kerepai nga wiri aboro nika nyasariipa tiyo ni sayo rogoho. Rago Ue, aboro-birĩ-inohe agbisi gu regbo re ti bebere yuru susi gu ni du mbata, si adu wo mbiko agu apai du wa, gu vura namanga Ukraine yo, gunde be sovura na kere abundu gbiati pa wai apai asakatihe auru kpotosende.”—AFP International Text Wire.
“Aboro-birĩ-inohe ayugu gupai Rago Ue nga, gu ‘regbo’ digido zegino nika da ti ni ima gbisa kusende na asekonde 90 ti bebere yuru—gere nga gu regbo awiri aboro nambedi gbe na pa gbarasa yo tiyo.”—ABC News.
“Badona aboro-birĩ-inohe rogo zegino dunduko nafu gu zahe nga, raka aboro nandu kindi kumbatayo kaa du ngba kerepai yo susi gu nidu mbata.”—The Guardian.
Ya mo digido ga aboro raka gbiati gi kpotosende re ima mbeda? Ya mo si naida ani du na gunde tipa gupai rengbe ka manga kumbatayo? Ginipai Baibiri ayugoho?
Gupai nika manga kumbatayo
Ringbisihe kuti Baibiri, “kpotosende nye anye kindi” na aboro nika raka rogoho “nye anye kindi.” (Batungusipai 1:4; Atambuahe 37:29) Sidu, wiri aboro ho nika gberesa kpotosende na ki saha ni gu ba ka he arakanga rogoho ya te.
Wa vura duhe wo, Baibiri ima fura tipa digido zegino. Ni kpiapai, si nape gupai nga “zegino napaya apaya.”—1 Yoane 2:17.
Tipa ka ino gupai Baibiri afura tipaha ho si afura ni tipa digido zegino, mo gedi gu kekeapai nga, “Is the World Coming to an End? What Is the Apocalypse?”
Tipa ka ino gupai Baibiri apehe tipa regbo agu apai naye ka manga rogo zegino kumbatayo, mo gedi gu kekeapai nga “When Will the World End?”
Banda wene bipai
Baibiri ima rengba ka undo rani ani banda wene bipai wa vura du akpakarapai rogo gi zegino re awere. Ngba gini gene?
Baibiri nafu wene arugute furani. (2 Timoteo 3:16, 17) Ni kpiapai, mo gedi gu kekeapai nga“How to Control Worry” tipa ka bi wai rengbe Baibiri ka undo rani ani banda wene bipai wa vura du akpakarapai rogo zegino vurũ.
Baibiri na wene maabangirise rogoho tipa raka kumbatayo. (ARomo 5:4) Si nasakapai tipa gupai rengbe ani ka maaberã rani tipaha awere gbiati kumbatayo, nga gu naundo rani ani nye kindi na kido apai ki vura kaa manga rogo zegino vurũ.
Tipa ka gbia undo rogo Baibiri yo, ani nasana ro mo asadi gu gaani gene wirika Baibiri du gbua areme.
a “Regbo gbarasahe nga gu he nafu zahe fu aboro tipa wai mbedi ani na pa gbarasa gaani zegino na gu kerekere ahe wiri aboro akusaha. Si nga fugo masaku, nga gu natingida rani na pa gu kereapai ani ka ndu rogoho wa ani kaa raka auru kpotosende.”—Bulletin of the Atomic Scientists.