KPARAKPARA TUA
Ginipai ga Mbori Kindo Nika Mangaha Tipa Vura
Rogo zegino dunduko, vura nandu kindi kumbatayo kaa ye na bakere gbarasahe gbiati imisiri. Mo bingo agi atingidapai re:
“Rogo gu garã naasusi, dungu aboro nakpiki mbiko vura kisusi gu kura agarã tona rogo 1994, gbe rogo agu aringara nga Ethiopia na Ukraine.”—Peace Research Institute Oslo, Banzinga 7, 2023.
“Gu vura du Ukraine yo nga vura sa dagba agu avura yo naaye ka igirã gbe rogo 2022. Rogo zegino dunduko, bakio gu zuu nga ga birĩ zogarago asono ki da ti 27 rii kama susi gu garã naadu kusayo, na aboro wa abirioni 1.7 gi vura re adu na maapai kurii yo.”—The Armed Conflict Location & Event Data Project (ACLED), Wegebe 8, 2023.
Baibiri nafu maabangirise. Si nape gupai nga “Mbori ngbangbaturũ amáa gu ngbi nga gu ka i agbárasa nga ha wa sa ya.” (Daniere 2:44) Tiibe ga Mbori Kindo watadu zogarago, Mbori nika “namanga pai, vura nyasi digida kpotosende yo.”—Atambuahe 46:9.
Gere Ima Rengba a ka Ngba Tiro
ESSENTIAL BIBLE TEACHINGS
Ga Mbori Kindo Nga Gine?
Ti regbo ga Yesu tungusapai auru kpotosende ane, ko ayugupai tipa ga Mbori Kindo kisusi gu kuraapai dunduko. Tipa dungu kama agarã, aboro aima digo ni kpari tipa gu Kindo re ye.
AGU ASANAHE BAIBIRI AKARAGAPAI KUTI NI
Wai du Zereda Nika ye ku Auru Kpotosende?
Mo wiriki wai Mbori nakidohe ka ye na zereda rogo zegino vurube gako Kindo.
ESSENTIAL BIBLE TEACHINGS
Tipagine Mbori Akusi Kpotosende Ti Ni?
Gaani zegino ima ngba ni beedihe gbe. Wai du baturoho na uru ima rẽ nzunzu, na wai duhe ni disidisihe ima rẽ a, na gu oto si ake na ni ima ngba. Tipagine Mbori amangi bakere ome ti ni wa gure tipa ka mbakada kpotosende?
AGU APAI DU TIPA RANI
Mo Sanahe Tipa Wirika Baibiri
Mo gbia gu wirikapai nga ga Baibiri ti gu regbo na rogo gu ba ngba tiro.
