Gu vura namanga Ukraine yo, gbiati pa wai arago asakatihe nandu kindi kumbatayo kaa ye na kpakarapai nga ga pa gbia riahe rogo zegino dũ. Gipai re namanga gbe rogo agu aringara nasona kindi nga gu du pagbia riahe rengbearengba rogoho ni kpakarakpakaraha.

•   “Pa kusa riahe na kparakaha fu aboro ima du ni kpakarakpakaraha mbiko avura, pa wai arago asakatihe, geno ime we na gu kura apai.”—Bangerekurii Sunge, António Guterres, UN, Bamburu 17, 2023.

•   “Abaini pa apai nagumba gupai nga pa kusa Russia tiyo rogo gu giatise du tipa tinda nganu fu kura aringa nika ye na bakere zingo riahe rogo zegino dunduko na ki sa gupai nga gino riahe tumba rogo agu aringara du ni rungorungoho, gu susi gbe nga rogo Afirika Pavuruhe ku Nodiyo na Middle East.”—Atalayar.com, Bamburu 23, 2023.

 Mo bingo gupai Baibiri agumba tipa zingo riahe gbiati gupai nika manga kumbatayo.

•   Yesu agumbapai nisangbanebi nga: “Rika aboro azínga kuti gu rika aboro, ngbi ki zingi kuti gu ngbi; angbongi nikadu.”—Matayo 24:7.

•   Gu kitabu nga ga Yugoti nasakapai tipa abandu rii afarasi biama. Bandurii farasi sa dagba agu afarasi re narukuba vura. Gu kura farasi ngbefuo ru narukuba gomoro, nga gu regbo riahe nika du ni umbaha na i kini bagihe na bakere genoho. “Mi ki bi farasi ni bibiri ru; ringbisahe ki du be gu ko nasungu auru ru. Mi ki gi he wa ka fugo poi dagba unga anya biama, niya, “Moduka zendehe wa mapunga sa tipa rukutu marã feda sa, amoduka morũ biata tipa rukutu marã feda sa.’”—Yugoti 6:5, 6. a

 Gu sangbaanebi nga ga Baibiri du tipa zingo riahe re nadigiso tihe awere ti gu regbo Baibiri ayambaha nga “kusa rago” watadu yangara arame. (2 Timoteo 3:1) Tipa ka ino pai gbe tipa “kusa rago” gbiati gu oto nga ga agu abandu rii afarasi du payo rogo Yugoti, mo bi gu vidio nga Zagino Aima Ariatihe Natona Rogo 1914 na ki gedi gu kekepai nga “Abandurii Afarasi Biama—Ada Nga Yo?”

•   Baibiri na wene rugute rogoho rengbe ka undo rani ani mangipai kuti akpakarapai, kodihe na tumba gino riahe zavura zingo riahe. Mo bi bete akpiapai rogo gu kekepai nga “How to Live on Less.”

•   Baibiri a nafu gu maabangirise furani nga apai nika ngbaangba kumbatayo. Si nakido pa gu regbo “Zende ahe nika zúka rogo ringara kpaima’ na aboro dunduko nika du na riahe tipa ka rihe. (Atambuahe 72:16) Tipa ka ino kura apai tipa gi maabangirise re gbiati ndu gupai rengbe mo kadu ti ni na kido kuti ni, mo gedi gu kekeapai nga “A Real Hope for a Better Tomorrow.”