Raka nakpakara kina kumbatayo fu awirinarani rogo agu agbata nga Mariupol, Kharkiv, Hostomel, na agu akuraha mbiko gu kikindigi abundu i andu kina kumbatayo kaa bafa ha kurii Ukraine. Bete agu akurayo na rengba ka kura tii sende yo tii agu abambu du yo tiihe te watadu rogo agu aba i agbia bagbuko rogoho te tipa bagizo regbo wa poso sa. Kina bete riahe gbua nye beyo na wa duhe nga karaba (électricité), Internet na aterefuni amanganga sunge ti aregbo dunduko te, si ima kpakara kaa fura na awirinarani.

Si ni pa gberãrago nga, Wiriba Dmytro Rozdorskyi nga bakumba Myrnohrad yo, du garãko nga 28, ima kpi be gu aro ko ahõ ho be gu bundu i arẽhe sende yo ko asi riihe. Ani namanga kparakpee tipa agu aboro zanga gu gayo aboro i kpinyemuyo na tipa agu awirinarani du rogo agu aba i abafa kikindigi abandu kurii he—2 ATesaroniko 3:1.

Dakuti Marungu 7, 2022, agi atingidapai du kusende re ani nagbia ha Ukraine yo:

• Abatungusipai 2 ima kpiko

• Abatungusipai 8 ima õka

• Abatungusipai 20,617 ima ora kusayo rogo akpuyo kurogo agu aba du zezeredi vuru gu ringara re

• Akporo 25 paha nagberẽ

• Akporo 29 abarapaha nakuadi ni bakerehe

• Akporo 173 abarapaha nakuadi tooni

• Bambu Kindo 5 paha nagberẽ

• Bange agu ARondo du Tipa fu Undo ti Regbo Gberãngo (DRCs) 27 namangasunge Ukraine yo

• Abatungusipai 6,548 gbia undo vurube gu Rondo du Tipa fu Undo ti Regbo Gberãngo ka ora kurogo agu aba du zezeredi

• Abatungusipai 7,008 oro kurogo kura aringara na i nagbia undo be akurayo airisimbori

• Bambu Bakere Dunguratise 1 na Abambu Kindo wa 30 western Ukraine yo, rogo arago wa Chernevtsi, Ivano-Frankivsk, Lviv, na Transcarpathian, i naima mbakadaha tipa ka dia agu aboro naora be vura ku rogoho