Ya mo Boro Rengbe ka Ino Da du Nzunzu Nake Ziazia Kekeapai?

SI TONA MANGASUNGE

Ga Ziazia Kekeapai karagapai

Badungu aboro nagumba gupai nga ani arengbanga ka ino da du nzunzu nake Ziazia Kekeapai te. Ono dedede, Ziazia Kekeapai naafura ziazia tipa agu aboro nake agu apai du vuruhe yo. Kura apaparaha natona na ngbatunga afugo wa “agu apai nga ga Nemaya,” “gu yuguyugupai Yesaya abi,” na “gu pai nga ga Yekova naye koyo du Yoere ni.”—Nemaya 1:1; Yesaya 1:1; Yoere 1:1.

Badungu abakeke Ziazia Kekeapai aima yugo gupai nga i akepai ti rimo Yekova, dunga bangisa ndikidi Mbori, na ko du nafu rugapai fuyo. Agu anebi nake Kuru Ndika atakipande gupai bara 300 nga: “Ya Yekova wẽ.” (Amosa 1:3; Mika 2:3; Nauma 1:12) Gu kura abakeapai agbia apangbanga vurube amaraika.—Zekaraya 1:7, 9.

Akumba 40 nake Ziazia Kekeapai vuru agarã yo 1,600. Mbori amangisunge na bete kura akumba i ke dungu abuku rogo Ziazia Kekeapai yo. Nirengo, Ziazia Kekeapai na dunguradungura abuku rogoho 66. Si na abuku 39 rogo Kuru Ndiko, na abuku 27 rogo Vovo Ndiko.