Guirá páginas né guirá ni rabiʼlo ló toib computadora, láaca labúu guibiʼlo láani ló toib celular o ló toib tableta. Per ló pantalla xtuny celular o tableta gadzé mod rienni portín más mitni, né menús né guirá ni sitnéni gadzé mod rienni, ndeʼ racni scú par guibiʼ buñ láani xomodca ló computadora. Ni ná guiich reʼ labúu gacnéni looy par guisuidylo guiquiinlo galán jw.org.

• Ximod rony menús dxiin

• Ximod labúu guibiʼlo artículos o capítulos de toib libro o guiich

• Ximod labúu goʼol lo la Biblia ló Internet

• Ximod labúu guicadiaglo toib artículo

Ló pantalla xtuny toib computadora, títulos xtuny toib sección labúu rienlóo buñ láani niis xiitzkiaʼ pantalla né títulos de stipnés apartados labúu rabiʼ buñ láani cueʼ lad reves xtuny pantalla.

Per ló pantalla xtuny toib celular o tableta títulos xtuny toib sección né apartado rienni xomod toib lista né racachlanni órni diti caquiin buñ láani par labúu guiquiin buñ guidopyca pantalla.

• Biquichña cuadriyen ni nac Menú par guixalni o guisiegni toib lista ro labúu tzoʼlo xidal lagary. Pal raquichñalo ló toibtica lagary ló lista cú, saxelni looy ro rasaló página cú.

• Par labúu guibiʼlo xí láani noʼ lainy tigaaga sección cú, biquichña ló cuadriyen ni rabiʼlo reʼ ni ná Bixal láani. Pal raquichñalo toibtica lagary ni sieed ló lista cú, saxelni looy ro rasalóni.

• Par diti guibiʼlo lista ni raxalni, biquichña cuadriyen reʼ ni ná Bisieg láani.

• Pal raquichñalo cuadriyen reʼ ni ná jw.org, sadxiguetni looy ro rasalóni.

• Biquichña cuadriyen reʼ ni ná Biloyña diitz ni cayopylo par guibiʼlo lista ro sieed diitz ni raniʼ buñ ni ma noʼ.

• Biquichña cuadriyen Biyopy ni nap toib lupa par guixalni lagary ro ná Bidzel ni cayopylo.

Ló pantalla xtuny toib computadora, índice ni sitné toib guiich rienni órni buñ cayoʼol artículo o capítulo. Per ló pantalla xtuny toib celular o tableta, índice cú racachlanni.

• Biquichña cuadriyen reʼ ro ná Índice par guibiʼlo guirá ni sieed ló guiich ni bixalo. Pal raquichñalo ló toibtica título ni sitnéni, sarecaa xí láani sitné artículo o capítulo.

• Biquichña cuadriyen reʼ ro ná Rabiguet par guibiguetlo ronoʼ artículo o capítulo ni ma godudylo ló.

• Biquichña cuadriyen reʼ ro ná Ni sieed par tzeelo ronoʼ artículo o capítulo ni sietra.

• Biquichña cuadriyen reʼ ro ná Índice par ma guicachlanni índice né modreʼ goʼol lo artículo o capítulo ni noʼlo ló.

Goyee ro ná LIRBOS NÉ GUIICH > BIBLIA né biquichña lagary ro ná Bíil láani ló Internet. Láaca labúu guiquichñalo ro ná «Bíil la Biblia ló Internet» ni noʼ ro rasaló página jw.org.

Ló cuadriyen xtuny Barra de navegación xtuny la Biblia, biloyña toib libro né toib capítulo ni sieed ló lista cú né ór cú biquichña ro ná Biyopy.

Conforma cacadiaglo toib capítulo, Barra de navegación diti siegni sabiʼlo láani cueʼ Barra xtuny menú par labúu tzeelo más naguel ló stoib capítulo.

• Pal nainy looy gaplo más lagary ló pantalla par guibiʼlo letras, biquichña ló cuadriyen ro ná Goleʼ par guireʼ Barra de navegación xtuny la Biblia. Par labúu tzeelo ló stoib capítulo, primer non tzeelo ro rasaló o ro ralox página reʼ.

• Biquichña cuadriyen reʼ ro ná Diti guireʼni par que Barra de navegación xtuny la Biblia diti guicachlanni.

• Biquichña cuadriyen reʼ ro ná Índice par tzoʼlo ló lista de libros ni sitné la Biblia.

• Biquichña cuadriyen reʼ ro ná Rabiguet par guibiguetlo ronoʼ capítulo ni ma godudylo ló.

• Biquichña cuadriyen reʼ ro ná Ni sieed par guibiʼlo capítulo ni sietra.

• Biquichña cuadriyen reʼ ro ná Índice par ma diti guibiʼlo índice xtuny la Biblia.

Pal raxalo toib artículo né noʼni par guicadiag buñ láani, sarecaa Barra de audio.

• Biquichña cuadriyen reʼ ro ná Bicaa guii láani par labúu guicadiaglo láani

• Biquichña cuadriyen reʼ ro ná Biscueʼs láani par guiscueʼslo ni cacadiaglo. Par goʼolni stoib ni cacadiaglo biquichña cuadriyen reʼ ro ná Bicaa guii láani.

• Labúu guisanirlo láani o guidxiguetlo láani par goʼolni ro merpa nainy looy.

Pal racaʼlo guii láani né rieelo niis ñeʼ artículo, Barra de audio diti sacachlanni. Ndeʼ saduidy lagary looy guiscueʼslo audio cú o guicaʼlo guii láani sin guisnitlo lagary ro cayoʼol lo.