LAGARY LÓ INTERNET JW.ORG
Ximod labúu guidzelo toib libro o guiich
Lagary ni laa LIBROS NÉ GUIICH ni noʼ ló jw.org, labúu sadzelo xidal libros né guiich né guiráni noʼni ló audio né ló video. Buny ni ná guiich reʼ par labúu guidzelo ni cayopylo.
Ximod labúu guidzelo libros né guiich ni merpa cayopylo
Ximod labúu guidzelo revistas ni merpa cayopylo
Ximod labúu guibiʼlo ló xí formatos ma noʼ guiich ni cayopylo
Ximod labúu guidzelo libros né guiich ni sitné tipnés diitz
Ximod labúu guidzelo libros né guiich ni merpa cayopylo
Pal nanlo ximod laa libros né guiich ni cayopylo o nanlo tipnés diitz ni sitnéni, labúu guiquiinlo nitisi mod ni sieed reʼ par labúu guidzelo ni cayopylo más naguel.
Goyee ro ná LIBROS NÉ GUIICH > LIBROS NÉ FOLLET.
Biquichña ro ná Guirá ni noʼ né bicaʼ toib diitz ni sitné título de guiich ni cayopylo. Por ejemplo, pal cayopylo libro ni laa ¿Xí ni merpa rasuidy la Biblia? Labúu guicaʼlo «rasuidy». Ló lista cú nosi sareʼ libros né guiich ni sitné diitz rasuidy ló título ni nap. Órni ma birecaani nosi biquichña ló título de guiich ni cayopylo.
Biquichña lagary ro ná Biyopy.
Ximod labúu guidzelo revistas ni merpa cayopylo
Goyee ro ná LIBROS NÉ GUIICH > REVISTAS.
Ni primer guirecaa ló pantalla nacni último tap número xtuny ¡Despertad! né xtuny La Atalaya ni noʼ par guirá buñ, láaca labúu sabiʼlo xhoon números xtuny La Atalaya ni rasuidy herman lainy congregación. Né láaca sareʼ La Atalaya ni caa más nayadit (revistas de clas reʼ diti noʼni ló guirá diitz). Par labúu guidzelo toib revista ni merpa cayopylo, buny ndeʼ:
Ló cuadriyen ni rabiʼlo rareʼ tipnés listas, lagary cú bicaʼ xí clas revistas cayopylo né de xí íz láani.
Biquichña ro ná Biyopy.
Ximod labúu guibiʼlo ló xí formatos ma noʼ guiich ni cayopylo
Par labúu ganlo xí libros né guiich noʼ ló jw.org labúu guibiʼlo láani de chop mod: sabiʼlo láani xomod cuadriyen o xomod toib lista.
Pal raquichñalo par guibiʼlo láani xomod Cuadriyen tidxósi información saduidyni looy. Scá sabiʼlo láani.
Órni guibiʼlo láani xomod Cuadriyen sabiʼlo guiichlaidy libros né guiich ni cayopylo, sabiʼlo iconos par labúu guilitlo láani né láaca título ni sitnéni. Pal raquichñalo laidy toib icono par guilitlo (o raquichñalo láani ló celular o tableta), sabiʼlo ximod nainy looy guilitlo láani (guiich electrónica o ló grabación ro labúu guicadiaglo láani).
Biquichña cuadriyen ro Radzaʼ mod rienni par guidzaʼ mod rabiʼlo láani.
Pal raquichñalo láani par guibiʼlo láani xomod Lista, sabiʼlo ni maca guirá formatos ni noʼ libros né guiich ni cayopylo.
Noʼ tipnés libros né guiich ni noʼ ló gadzé formatos, tipnésni noʼ ló letra xirop. Pal scú nacni, órni guiquichñalo láani ló PDF, ni maca sabiʼlo toib cuadriyen ni sitné toib lista ro sieed formatos ni noʼni ló. Biquichña ximod nainy guilitlo láani.
Ximod labúu guidzelo libros né guiich ni sitné tipnés diitz
Pal libros né guiich ni cayopylo labúu goʼol lo láani ló Internet sin guilitlo láani, biquichña ro ná Bidzel ni cayopylo par labúu guidzelo toib artículo a capítulo ni sitné tipnés diitz.
Biquichña ló icono ni Rayopy. Ló cuadriyen ni guirecaa, bicaʼ diitz ni cayopylo né biquichña ro ná Biyopy. Labúu guicaʼlo guirá diitz ni looy nanlo sitné ni cayopylo, portín ndeʼ sony que artículo o capítulo ni cayopylo sarecaani primer.
Par guirecaa artículos né capítulos ni looy cayopylo, buny ndeʼ:
Biquichña ro ná Radzelni ni merpa cayopylo.
Lainy guet noʼ toib lagary ro ná Categoría, biquichña ro ná Libros né guiich.
Biquichña ro ná Biyopy.
