Goyee ro ná índice xtuny contenidos

Par salólo (opens new window)

Testigos xtuny Jehová

Biloyña diitz ni cayopylo diitza Par salólo (opens new window)

BÍIL LÁANI LÓ

CÓS NI RASAC NI SIEED LÓ LA BIBLIA | JOB 16-20

Gacnéno stipnés né diitz nadaʼa

BICAʼ GUII LÁANI LÓ

Gacnéno stipnés né diitz nadaʼa

Litz ni guiduidyno non gacnéni stipnés

Job goyoʼbu nigolú nabann né láaca goyoʼbu ló galrrasaʼ. Biquiimbu que ñoʼ ni ñacnégoluʼ láabu.
Tzón xcompañer Job diti gocné láabu. Xalagary ngú, bigotzyibu dool Job né ndeʼ nigolú bisioʼobni láabu.

Diitz nanaa ni goniʼ Bildad nigolú bisioʼobni Job

Job gonabbu lóo Dios ñacné láabu, ná par nacaʼbu galrracné reʼ Dios nagaity láabu.
Job bisetnaladxbu que siásbu lad gueʼet né buny guantarybu.

BUÑ NI BIGOTZ DOOL A JOB

Elifaz

Sigory gócbu de Temán, ló gudx Edom. Ló Jeremías 49:7 rasetlani de Temán xomod lagary ro goyoʼ xiroʼgolu galnann.
Sigory láabu gócbu lagol né ni más góc buñnan que stipnés xcompañerbu. Elifaz ngú ni primer gosaló goniʼ né bituidybu tzón discurs ni más xiroʼ ór gocla.

¿Xí dool bigotzbu a Job?

Goniʼbu que Job diti rasob a Dios né guidopy xcalnabanybu né goniʼbu que Dios diti nap confianz lóo buñ ni rasob láabu (Job 4, 5).
Goniʼbu que Job nac buñ farmay né buñ mal, né nadip góc xtiitzbu que Job diti nap respet Dios (Job 15).
Goniʼbu que Job rasobladx né diti ronybu xinésni, né goniʼbu que buñgudxlio diti noʼ pu raquiinyibu nisló Dios (Job 22).

Bildad

Gócbu de xfamily Súah. Sigory bibanybu roloo guʼuc Éufrates.
Gócbu ni rarop ni goniʼ. Xtiscursbu gocni más dop per xtiitzbu ngú ni más bunynaa Job que xtiitz Elifaz.

¿Xí dool bigotzbu a Job?

Biduidybu diitz que xiin Job buny galkié né por ngú Dios buny castigar layibu, né láaca biduidybu diitz que Job diti bidzuibybu Dios (Job 8).
Biduidybu diitz que Job nac toib buñ ni rony galkié (Job 18).
Nadip góc xtiitzbu que diti noʼ pu raquiin pal ronyno ni ná Dios (Job 25).

Zofar

Láabu gócbu naamatita de gudx Arabia.
Gócbu ni rion ni goniʼ né ni más nadip bigotz dool a Job. Nosi chop buelt goniʼbu.

¿Xí dool bigotzbu a Job?

Bisetlabu que Job goniʼgolu né gochbu Job nasian guirá cós mal ni cayony (Job 11).
Bisetlabu que Job nac buñ mal né que rioladxbu gonybu galkié (Job 20).

NI NON GONYNO LÓ REUNIÓN

Gacnéno stipnés né diitz nadaʼa

diitza

Gacnéno stipnés né diitz nadaʼa

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

Copied