Guirá íz, xidal herman ni ma golsit radxinyibu ló Memorial. Ná bienyibu Jehová nírcu, bireʼganyibu por guirá ni godudyibu lóo, xomod rasetlaa follet Jehová desea que vuelva (Heb 12:1). Per ná ma golsityibu, nigolú rasacyibu nisló Jehová, portín gosiʼ Jehová layibu né xiruny Jesús (Hch 20:28; 1Pe 1:18, 19). ¿Ximod labúu gacnéno layibu par guibiguetyibu lainy congregación?

Guirá ancianos ni noʼ lainy congregación ronyibu por guininéyibu né gacnéyibu herman ni ma golsit, xomod toib buñ ni ratap xiil órni toib xiil ralsitmu lad saʼmu, buñreʼ rioʼ dxiin rayopy láamu (Lu 15:4-7). Mod cuca rioʼ Jehová ló galrrasaʼ (Jer 23:3, 4). Per diti nosi ancianos non gacné herman ni ma golsit, guiráno non gonyno láani. Pal ronyno por gonladxno né cobiono guirá herman ni ma golsit Jehová sabaladx né diti sácni dxiin xilaʼsi (Pr 19:17; Hch 20:35). Por ngú, gurú buny pensary chú láabu labúu gacnélo né buny láani ni maca.

BIBIʼ VIDEO NI LAA, GACNÉNO HERMAN NI MA GOLSIT NÉ CUAPY GALRRANABDIITZ NI SIEED LAINY GUET REʼ:

• ¿Xí buny Abbey órni bimbubu toib herman ni ma golsit?

• ¿Xigony non guininéno ancianos pal raibyno gacnéno toib herman ni ma golsit?

• Ni ma rarop buelt ¿ximod goyoʼ Abbey puext antes de ñeebu niguenbu Laura?

• ¿Ximod bienni que Abbey gop paseinys né galrronladx órni goyeebu gocnébu Laura xidal buelt?

• ¿Xí rasuidyno de ilustración ni goniʼ Jesús ló Lucas 15:8-10?

• ¿Xí galnasác goyoʼ por ni guirá herman buny por gocné Laura?