Dzú ni goyoʼ Pablo né Silas press bunyxiroʼyibu Jehová né canción (Hch 16:25). Ma ndeʼga, herman xtunyno láaca bíilyibu canción ni raniʼ de Gobierno xtuny Dios dzú ni goyoʼyibu lainy campo de concentración Sachsenhausen lainy gudx Alemania nazi né dzú goyoʼyibu gudx Siberia. Ndeʼ raslooy lóono que guirá canción reʼ nigolú raduidyni balory herman ni cacaló galnagan.

Mápa mer guidxin libro copy ni laa, Cantemos con gozo a Jehová. Órni ma napno xtunyno labúu guisuidyno láani toibsi né xfamilno laʼga cayenno Jehová ngú sacné lóono guiaʼanni guicno (Ef 5:19). Modreʼ, órni guicalóno galnagan, xcalnadip Jehová labúu sonyni que guisetnaladxno láani. Guirá canción reʼ racnéni lóono par diti guialadxno galnasác ni guicaʼno ló dzú ni sietra. Raduidyni galnadip lóono órni cadudyno ló galnagan. Ná pal noʼno sacró, letras ni sitnéni ronyni que xcalnabanyno tzoʼni más nakit (1Cr 15:16; Sl 33:1-3). Por ngú, gonyno rutirigaʼlni lóono por guicadiagno, guisuidyno né golno guirá canción ni raniʼ de Gobierno xtuny Dios.

BIBIʼ VIDEO NI LAA, TOIB CANCIÓN NI BIDUIDY BALORY HERMAN NI GOYOʼ PRESS DE NGÚ CUAPY GALRRANABDIITZ NI SIEED REʼ:

• ¿Pu lagary né ximod bisaʼ hermano Frost toib canción?

• ¿Ximod gocné canción reʼ guirá herman ni goyoʼ lainy campo de concentración ni góc laa Sachsenhausen?

• ¿Pu ór labúu gacné canción ni raniʼ de Gobierno xtuny Dios looy par gaplo balory?

• ¿Xí canción ni raniʼ de Gobierno xtuny Dios más rioladxlo guisuidylo?