Ló guidopynac Gudxlio, noʼ buñ ni cayoʼob xcalnabany né raquiin galrracné (Ec 4:1). Ló beʼo septiembre, gonyno rutirigaʼlni lóono por guikiʼsno número 5 de La Atalaya, revista reʼ raniʼni ximod guisialdóno xcalnabany buñ. Gonyno por guilooyno o guisianéno láani xidal buñ. Per guisetnaladxno que raniiny lóono guisialdóno xcalnabany buñ por ngú gonyno por gooyno diitz né layibu. Por ngú diti guisianno revista lidxyibu pal diti noʼyibu rioʼ.

«Radxin ór ro guiráno racladxno tzoʼ ni guisialdó xcalnabanyno, per ¿chú labúu gacné lóono? [Bíil 2 Corintios 1:3, 4]. Revista reʼ rabexani ximod Dios rasialdó xcalnabanyno».

Pal buñ ni cayooynélo diitz racadiag looy né racacuentbu revista ni sanélo:

Después góoch láabu que labúu guisuidylo láabu más ni ná la Biblia.

Bisian toib galrranabdiitz ni guicapylo órni guibiguetlo stoib dzú, labúu guinabdiitzlo láabu: ¿Xigony raduidy Jehová lagary tzoʼ galrrioʼob?