Jesús goity por buñ galkié (Ro 5:8). Guirácano nigolú raduidyno guixquix por ni bislooy Jesús galnadxiʼ lóono modreʼ. Per diti non guialadxno que láaca goitybu por xhermanno ni nac buñ galkié xomodca lóono. Guisuidyno tzón mod ni labúu gandxiʼno xhermanno xomodca nadxiʼ Jesús layibu. Primer lagary, guidzakno xhermanno ni diti nac xomod lóono (Ro 15:7; 2Co 6:12, 13). Ni rarop lagary, guiyopyno mod diti guinino cós ni guitzuitz stipnés (Ro 14:13-15). Né ni rion, guituidyno nimaca xcalkié ni rony mal lóono (Lu 17:3, 4; 23:34). Pal ronyno xtem guisuʼno mod buny Jesús, Jehová saduidy xilaay congregación par guiguaʼ goxt né tzoʼ toibsi.

ÓRNI MA BILOX BIBIʼLO VIDEO NI LAA, ¡GÓC MÁS MÓZ QUE NI MA NACLO!, CUAPY GALRRANABDIITZ NI SIEED REʼ:

• ¿Xí láani buny pensary Miki dzú nicopyga bidxinbu lainy congregación?

• ¿Xí láani buny que natzaʼbu mod góc xpensarybu?

• Mod góc Jesús, ¿ximod gocnéni Miki par labúu natzaʼbu mod góc xpensarybu? (Mr 14:38).

• ¿Ximod labúu gacné Proverbios 19:11 lóono par guibiʼno galán xhermanno?