¿Xigony non guidzakno buñ ni nadxiʼ a Jehová? Portín buñ ni radzakno labúu gacné lóono o labúu guixin mod nacno (Pr 13:20). Por ejemplo, rey Jehoás «bunybu xinésni nisló Jehová» laʼga bidzakbu sumo sacerdote Jehoiadá (2Cr 24:2). Per órni goity Jehoiadá, Jehoás ma diti bisobbu Jehová portín gosaló bidzakbu buñ mal (2Cr 24:17-19).

Ló siglo primero, apóstol Pablo goniʼbu que congregación cristiana nacni xomod «toib yoʼ xiroʼ», né guirá buñ ni noʼ lainy yoʼcu nacyibu xomod traxt. Nacno xomod «traxt ni rasac» órni diti radzakno buñ ni rony cós mal nisló Jehová, ná pal nacyibu xfamilno o xhermanno ni noʼ lainy congregación (2Ti 2:20, 21). Por ngú, gonyno por guidzakno buñ ni nadxiʼ a Jehová né buñ ni rony animar lóono gonyno xchiimbu.

ÓRNI MA BIBIʼLO VIDEO NI LAA, ¿XÍ LABÚU GONYNO PAR DITI GUIDZAKNO BUÑ NI GUIXIN MOD NACNO?, CUAPY GALRRANABDIITZ NI SIEED REʼ:

• ¿Ximod labúu nadzakno buñ ni naxin mod nacno sin nadudyno cuent?

• ¿Xí láani gocné a guionca herman ni ritlaa ló video reʼ par ma diti nadzakyibu buñ ni rony cós mal?

• ¿Xí clas litz ni sieed ló la Biblia labúu gacné lóono guiyopyno buñ ni natzaay xcalrrien par gac ximigno?