De goló nabanyno ló Gudxlio, xidal buelt buñchiin ma gocné xcudx Jehová (Esd 6:1-12; Est 8:10-13). Dada ló naareʼ ma bibiʼno ximod «gudxlio», ndeʼ nac xidal clas gobierno ni noʼ ló Gudxlio, racnéyibu lóono né nacni suusi nagaibyni «guʼuc» de persecución ni raxel dragón ni nac Buñdzab (Ap 12:16). Jehová, «Dios ni ralaa», xidal buelt ma bichiinbu buñchiin par gacné xcudxbu (Sl 68:20; Pr 21:1).

Per ¿né pal noʼlo press por fe xtunylo ga? Dipa guialadxlo, Jehová cayan looy (Gé 39:21-23; Sl 105:17-20). Gop confianz que sacaʼlo galnasác por fe ni naplo, né ejemplo xtunylo sacnéni a herman ni noʼ ló guidopynac Gudxlio (Flp 1:12-14; Ap 2:10).

ÓRNI MA BIBIʼLO VIDEO NI LAA, HERMAN DE GUDX COREA RAREʼYIBU PRESS, CUAPY GALRRANABDIITZ REʼ:

• ¿Xigony por xidal íz goyoʼ hermanos de Corea del Sur press?

• ¿Xí acuerdo bidxin tribunales ni bidudy lagary que tipnés xhermanno nareʼ antes de nasaʼ xtzúyibu?

• ¿Ximod labúu gacnéno herman ni noʼ press ló guidopynac Gudxlio por fe xtunyibu?

• Nigoreʼ ni diti noʼno press, ¿xí labúu gonyno?

• ¿Chú láabu guidudyno guixquix por ni ronyno gan ló tribunales?