Desde íz 2018, revistas par guirá buñ ma nosi sitnéni toib tema. Guirácani noʼni ló kit de enseñanza, por ngú labúu guiquiinno láani órni guinino xtiitz Dios né láaca labúu tzanéno tipnésni órni tzasiino xcósno o tzoʼno viaj. Diti labúu guiquiinno revistas par guisuidyno buñ, per labúu guichiinni buñ guiniiny guimbu más ni ná Dios.

Órni guininélo buñ, bilné toib texto láabu né bisetlaa toib tema de toib revista ni labúu guioladxbu. Por ejemplo, pal buñcu napbu xfamilbu, pal noʼbu nabann o nogoluʼbu ló galrrasaʼ, labúu gaibylo láabu ndeʼ: «Diti xidzú de goló biila toib tema sacróyen. ¿Labúu guislooya láani looy la?». Pal buñcu ná gan más, labúu guidudylo toib revista láabu o labúu guixelo láani ronoʼbu por Internet. Ndeʼ labúu gonylo órni laʼra cayooynélo láabu diitz. Diti nosi guikiʼsno por guikiʼsino revistas, per revistas labúu gacnéni lóono guidzelno buñ ni ná guisob a Dios (Hch 13:48).