Pal naplo 23 a 65 íz, nodieʼlo ló xchiin Jehová, né puextca noʼlo tzeelo ro caquiin herman galrracné, bistzaa solicitud par tzeelo Scuel par ni Raniʼ Xtiitz Dios. Desde dzú gosalóni xidal mil galtzeʼel, hermanas né hermanos ni diti noʼ tzeʼel ma goyeeyibu scuel reʼ. Per máspa caquiinni buñguieeu ni yadi tzeʼel. Gonab Jehová guichiin xcalnabanylo gonylo más xchiimbu né guisuʼlo Jesús (Sl 40:8; Mt 20:28; Heb 10:7). De ngú, bibiʼ pal naplo tipnés gaxt xomod ganlo xfamilo, xchiinlo o noʼlo ló toib diʼin. Pal scú láani, ¿labúu guitzaʼlo mod nabanylo par tzeelo scuel reʼ la?

¿Xí ma buny herman ni ma goyee scuel reʼ? Tipnésyibu seeyibu ro raniʼ buñ stipnés diitz, né stipnés see par guiniʼ xtiitz Dios né camionguien lagary ro radxingoluʼ buñ. Stipnés rac superintendentes de circuito sustitutos, superintendentes de circuito o misioneros. Laʼga gonylo pensary ximod gonylo xchiin Jehová más, bisuʼ mod buny profeta Isaías ni goniʼ: «¡Reʼ noʼya! ¡Bixel naʼ!» (Is 6:8).

ÓRNI MA BIBIʼLO VIDEO NI LAA, MISIONEROS: NI CATOP COSECH, CUAPY GALRRANABDIITZ REʼ:

• ¿Ximod rabúyibu misioneros par guiniʼ xtiitz Dios?

• ¿Xí galán dxiin cayony guirá misioneros reʼ?

• ¿Xí galnasác racaʼ misioneros?