Expulsión rapni congregación né rony disciplinarni buñ ni diti rac arrepentir de xcalkié (1Co 5:6, 11). Órni rony apoyarno disciplina xtuny Jehová, raslooyno galnadxiʼ. Per ¿ximod gacni scú janlo expulsión nigolú ragoʼ nabani buñ, né máspa xfamil ni góc expulsar né herman ni buny comité judicial la?

Primer, raslooyno galnadxiʼ né respet laa Jehová né guirá ni rony mandarybu (1Pe 1:14-16). Né láaca raslooyno galnadxiʼ a guirá buñ ni góc expulsar. Ná órni racaʼno disciplina rasioʼobni lóono, labúu gacnéni lóono gonyno xinésni (Heb 12:5, 6, 11). Pal nadzakno buñ ni góc expulsar o ni ma diti ná tzoʼ lainy xcudx Jehová, diti nadudyno lagary que Jehová ñony disciplinar a buñcu. Bisetnaladx que Jehová rony disciplinar dada ro raquiin buñ láani (Jer 30:11). Gony apoyarno Jehová né diti guiañ gonyno xchiimbu laʼga cabésno que buñcu guibiguet ronoʼ Bixiosno Jehová (Is 1:16-18; 55:7).

ÓRNI MA BIBIʼLO VIDEO NI LAA DIPA GUISIANNO JEHOVÁ NÉ GONYNO XCHIIMBU NÉ GUIDOPY XCALNABANYNO, CUAPY GALRRANABDIITZ REʼ:

• ¿Ximod rasac toib famil órni xiimbu rasian a Jehová?

• ¿Ximod labúu gacné herman a familcu?

• ¿Xí historia ni sieed ló la Biblia raslooy lóono que más rasac gandxiʼno Jehová que xfamilno?

• ¿Ximod raslooyno que más nadxiʼno Jehová que xfamilno?