Par Jehová, votos ni rony galtzeʼel nigolú rasacni, né nábu que galtzeʼel diti non guisianyibu saʼyibu (Mt 19:5, 6). Lainy xcudx Jehová noʼ xidal galtzeʼel ni rabesné saʼ goxtiguie. Per guirá galtzeʼel nacyibu buñ galkié né guirá ór sioʼ galnagan ladyibu. Dipa gonyno pensary pal guisianno saʼno né guichílno xcaltzeelno ma diti sioʼ galnagan. ¿Ximod gap cristianos xcaltzeel?

Guisuidyno gáay litz ni sieed ló la Biblia.

1. Gop xcalnabanylo diti guidudylo xomodlo a stipnés buñ né diti guibiʼlo cós yox. Guirá ndeʼ rony que galtzeʼel guibíl (Mt 5:28; 2Pe 2:14).

2. Bidzaktzay Jehová né buny rutirigaʼlni looy guibanylo sacró lainy xcaltzeelo xomod rioladx Dios (Sl 97:10).

3. Gop cualidades sacróyen né buny xis cosien par tzeʼelo né modcu tzoʼ nakit xcalnabanybu (Col 3:8-10, 12-14).

4. Biiy diitz né tzeʼelo né gop respet láabu (Col 4:6).

5. Bislooy galnadxiʼ né galrronladx órni gatnélo tzeʼelo (1Co 7:3, 4; 10:24).

Órni cristianos rap respet galtzeʼel, cayapbu respet Jehová ni bisaʼ láani.

ÓRNI MA BIBIʼLO VIDEO NI LAA, NON GUIXONYNO NÉ DITI GUIDZAGNO: GUISOBNO REGLAS NI NAPNI, CUAPY GUIRÁ GALRRANABDIITZ REʼ:

• Ná sacró rasaló galtzeʼel, ¿xí galnagan labúu guicalóyibu?

• ¿Ximod labúu gacné xilitz la Biblia a buñ ni rony pensary que ma diti ronladx tzeʼel?

• ¿Xí instrucciones radudy Jehová a guirá ni ma noʼ tzeʼel?

• ¿Xí non gony tanli buñguieeu né buñgonaʼ par guibanyibu goxt lainy xcaltzeelyibu?