¿Xigony nigolú rioladxno samblia de tzón govitz? Portín xomodca buny gudx Israel, labúu gonyxiroʼno Jehová né xidalguixo xhermanno. Né diti nosi racaʼno galrro espiritual, láaca rooyno diitz né ximigno né xfamilno. Nigolú rasacni par lóono, por ngú ronyno xtem rioʼno guionca govitz ni rac samblia.

Órni radopno, diti nosi gonyno pensary ni guicaʼno, láaca non gonyno pensary ximod guislooyno galnadxiʼ stipnés (Gál 6:10; Heb 10:24, 25). Né raslooyno que rioʼno galrrasaʼ por stipnés órni nosi rony apartarno xilet ni guiquiinno o órni ranásno puert par tudy herman (Flp 2:3, 4). Ló samblia labúu guidzelno herman ni gac ximigno. Gooyno diitz né stipnés ni diti rimbuno. Labúu gonyno láani antes né después de samblia o órni cayóno guet (2Co 6:13). Amig ni guidzelno ló samblia labúu guitzakno layibu por tipzó. Órni stipnés guibiʼ que nigolú nadxiʼno saʼno, sigory ndeʼ sachiin layibu par gony adoraryibu Jehová (Jn 13:35).

ÓRNI MA BIBIʼLO VIDEO NI LAA, SAMBLIA INTERNACIONAL «GALNADXIʼ DIPA SADUDY XTZÚNI», CUAPY GUIRÁ GALRRANABDIITZ REʼ:

• ¿Xí buny tipnés herman par bislooyibu galnadxiʼ a herman de stipnés gudx ni bidxin ló samblia internacional íz 2019?

• ¿Xigony radziguiaʼno mod ragobioo né mod nadxiʼ xcudx Jehová saʼ?

• ¿Ximod goleʼ loguiaʼ Tidxó buñ ni nap xiroʼ Galnan guislooyno galnadxiʼ?

• ¿Ximod buny gan galnadxiʼ lainy gudx Alemania né gudx Corea del Sur?

• ¿Xí láani coʼno guicno gonyno?