¿Xí galnagan racalólo guirá dzú? ¿Looy rasanirlo laniolidxlo né ronylo rutirigaʼlni looy par guiyaʼanlo xfamilo la? ¿Toiblo casniʼslo xiinlo né rasac naganlo tudylo dzú né layibu la? ¿Xcompañerlo ratzaldaʼ looy lainy yolayscuel la? ¿Caxoʼlo o ma cayaclo buñgol la? Guiráno racalóno galnagan, per noʼ herman ni racaló xidal galnagan toibsi ór. Rabaladxno que mápa mer Jehová sabeʼ lóono ló galnagan reʼ (2Co 4:16-18).

Dada guidxin dzúcu, rialdó xcalnabanyno ni nanno que Jehová rien mod cadudyno, órni diti rasianno láabu né rony guantaryno nigolú rasacni par láabu, né ma goniʼbu guidudybu xcalnasácbu lóono ló dzú ni sietra (Jer 29:11, 12). Jesús láaca rioʼ galrrasaʼ por lóono. Laʼga ronyno xtem par gony cumplirno né guirá dxiin ni napno lainy xcudx Jehová, láabu raibybu lóono ndeʼ: «Sioʼya né lóoto» (Mt 28:20). Pal rabeʼno tiemp ronyno pensary dzú gacno libre órni gony mandary Gobierno xtuny Dios lóono, esperanza xtunyno saniʼsni né sapno más galnadip par gony guantaryno nitisi prueby (Ro 8:19-21).

ÓRNI MA BIBIʼLO VIDEO NI LAA, ÓRNI CADUIDYNO LÓ GALNAGAN, GUISETNALADXNO NI BUNY JESÚS POR LÓONO, CUAPY GUIRÁ GALRRANABDIITZ REʼ:

• ¿Xigony biaʼanno bisapy né ximod cayeeni lóono?

• ¿Xí galnasác guicaʼ buñ ni dipa rasian a Jehová?

• ¿Ximod sacaʼno galnasác ló dzú ni sietra?

• ¿Xí galnasác nigolú raniiny looy guicaʼlo ló Gudxlio copy?