Xomodca buny organizar Jehová gudx Israel, ló naareʼ láaca rony organizarbu xcudxbu par gony xchiimbu. Sucursales, circuitos, congregaciones né grupos de servicio ni noʼ ló guidopynac Gudxlio rac organizaryibu par guisuidyibu xtiitz Dios a guiránac buñ, dada buñ ni raniʼ stipnés diitz (Ap 14:6, 7).

¿Ma bunylo pensary toibtica buelt guisuidylo stoib diitz par guisuidylo stipnés buñ ni ná la Biblia la? Pal diti naplo tiemp, sigory labúu guisuidylo toib presentación dopien ni sieed ló JW Language. Órni guiquiinlo láani, sabaladxlo xomod herman ni goyoʼ ló primer siglo, layibu bibaladxyibu órni bisuidyibu «cós sacróyen ni sieed de Dios» a buñ ni goniʼ stipnés diitz (Hch 2:7-11).

ÓRNI MA BIBIʼLO VIDEO NI LAA, GÓC XIMIG JEHOVÁ: GONIʼ XTIITZ DIOS LÓ STOIB DIITZ, CUAPY GUIRÁ GALRRANABDIITZ REʼ:

• ¿Pu ór labúu guiquiinno JW Language?

• ¿Ximod nac aplicación reʼ?

• ¿Xí diitz raniʼ buñ ló territorio xtunyno?

• ¿Xí non gonyno pal toib buñ ni raniʼ stoib diitz ná gan ni ná la Biblia? (od-S pág. 100 párrs. 39-41).