Ló dzureʼ ni mápa mer guidubylagaʼ guirácano racalóno galnagan. Rioʼ ór ralooyni ma diti labúu sony guantaryno más. Per pal rayopyno xcalrracné Jehová, labúu sacalóno láani ná nacni toib galnagandaʼ (Is 43:2, 4). Pal cacalólo toib galnagan, ¿xí sacné looy guibigaxlo Jehová?

Oración. Pal raibyno Jehová ni casaclono, láabu sasialdóbu xcalnabanyno né sadudybu fuers ni caquiinno (Flp 4:6, 7; 1Te 5:17).

Reunión. Ló naareʼ más raquiinno galrro espiritual né galrracné ni radudy herman lóono ló reunión (Heb 10:24, 25). Órni rasuidytzayno xquiichno, rioʼno reunión né rony comentarno, Jehová racné lóono né espíritu xtuny (Ap 2:29).

Predicación. Pal ronyno xtem par guinino xtiitz Dios, láani sacnéni lóono diti gonyno pensary ló galnagan ni cacalóno. Órni ranino xtiitz Dios rabigaxno más Jehová né xhermanno (1Co 3:5-10).

ÓRNI MA BIBIʼLO VIDEO NI LAA, JEHOVÁ SAGOBIO LOOY, CUAPY GUIRÁ GALRRANABDIITZ NI SIEED REʼ:

• ¿Xí láani gocné Malu par bibigaxbu más Jehová?

  Mod racapylo

• Xomodca Malu, ¿ximod racné Salmo 34:18 lóono?

  Mod racapylo

• Ejemplo xtuny Malu, ¿ximod raslooyni lóono que Jehová radudy galnadip lóono órni racalóno galnagan? (2Co 4:7).

  Mod racapylo