Jesús goniʼ: «Cuaʼto scásiʼ; colguiduidy scásiʼ» (Mt 10:8). Rasobno ni goniʼbu órni diti ratoʼno Biblia, libros né guiich (2Co 2:17). Guirá libros né guiich reʼ nigolú rasacni portín rasuidyni Xtiitz Dios. Láaca par labúu guireʼni ló guiich né guidxinni ronoʼ guirá herman, raquiinni xiroʼ xtem né bidxiich. Por ngú guicaʼno nosi ni guiquiinno.

Non coʼno xcalrrienno órni guiduidyno libros né guiich buñ, láaca órni caquiinno camionguien diti cuenunysi guisianéno libros né guiich ladxña buñ (Mt 7:6). Xalagary gonycuentno toib guiich guirá ni radudy nislóno, gooyno diitz né layibu par guiduidyno cuent pal raniiny ganyibu más. Gonyno pensary pal buñ ni caninéno rony toibtica cós ni rasetlaa cuadriyen reʼ. Pal raloyni que diti rioladxbu ni ná la Biblia, más galán guisianéno láabu toib tratad. Per pal toib buñ ranab guiich o toib revista non gonycuentno láani láabu (Pr 3:27, 28).