Ni cabésno nacni xomod toib ancla (Heb 6:19). Toib ancla ranásni toib bark par diti guiguichni ló nisdaʼ órni rac buroʼdant, scúca ni cabésno racnéni lóono órni cacalóno galnagan ni nac xomod buroʼdant (1Ti 1:18, 19). Guirá buroʼdant reʼ nacni órni noʼ ni rabeʼgan lóono, rasnitno xcósno ló toib desgrasy, raxoʼsiino, raity xfamilno o nitisi cós mal ni labúu gony que galsitno de Jehová.

Fe né ni cabésno guicaʼno ló dzú ni sietra racné lóono gapno confianz que Jehová sony cumplir guirá ni ma goniʼ (2Co 4:16-18; Heb 11:13, 26, 27). Por ngú, ná pal guibanyno ló Gudxlio o lainy guibá, guirá dzú gonyno pensary ló ni Dios ma biduidy xtiitz guicaʼno né ngú sony nadip fe xtunyno. Pal ronyno ngú órni cacalóno toib galnagan o noʼno ló prueby dipa sareʼganno (1Pe 1:6, 7).

ÓRNI MA BIBIʼTO VIDEO NI LAA, COLGUIBALADX POR GUIRÁ CÓS NI CABÉSNO LÓ DZÚ NI SIETRA, COLGUICAPY GALRRANABDIITZ NI SIEED LAINY GUET REʼ:

• ¿Xí galán mod bisian Moisés ni labúu guisuʼno?

• ¿Xí non gony buñ ni rasanir lainy family?

• ¿Xí temas labúu guisuidyno órni guienno Jehová né xfamilno?

• Guirá ni cabésno ló dzú ni sietra, ¿ximod racnéni lóono guicalóno galnagan né confianz?

• ¿Xí láani más raniiny looy guirebuʼ ló dzú ni sietra?