Dzú mápa gac Pascua ló íz 32, Jesús buny toib galrradziguiaʼ, ngúsi rasetlaa guidapca Evangelios.

Né galrradziguiaʼ reʼ, Jesús bisian toib mod ni xpiimbu cayony dada ló naareʼ.

14:16-21

• Jesús gonabbu xpiimbu nayaʼan xidalguixo buñ ná nosi gopyibu gáay páa né chop beel.

• Jesús cuaʼ páa né beelcu né órni bilox goninébu Dios, biduidybu láani xpiimbu né layibu bitzoyibu láani par guirá buñ.

• Toib galrradziguiaʼ láani portín galrrocu goygaʼlni par guirá buñ. Jesús biquiin chopguieesi xpiimbu par biyaʼanbu xidalguixo buñ.

• Jesús goniʼ que ló dzú ni ma cadubylagaʼ sabúbu chopguieesi buñ par «guiduidy galrro órni caquiinni» (Mt 24:45).

• Ló íz 1919, Jesús golúbu chopguieesi buñ ni guié guibá ndeʼ nac «mós ni rony xinésni né ni naní xcalrrien», né Jesús bisian ladxñayibu toib dxiin rodann par guiduidyibu galrro espiritual a guirá buñ ni rony ni ná Dios.

• Jesús caquiin chopguieesi buñ ni guié guibá né caduidybu galrro xomod bunybu ló siglo primero.

¿Ximod guislooya que racacuenta né rapa respet buñ ni Jesús caquiin par guiduidy galrro ni sieed de Dios?