XIGONY RASACNI: Xpensary buñ nacni xomod nís ni noʼ guetdii, per galrranabdiitz sacné lóono cueʼno láani (Pr 20:5). Órni raquiintzayno galrranabdiitz, buñ ni cacadiag lóono raniʼbu ni rasacbu. Né ngú racné lóono ganno xi noʼ lainy xcalnabanybu. Jesús biquiintzay galrranabdiitz. ¿Ximod labúu guisuʼno láabu?

XIMOD GONYNO LÁANI:

• Gonabdiitz xi ronybu pensary. Jesús buny xidal galrranabdiitz par labúu ñanbu xi rony pensary xpiimbu (Mt 16:13-16; be-S pág. 238 párrs. 3-5). ¿Xí labúu guinabdiitzlo par ganlo xi cayony buñ pensary?

• Buny galrranabdiitz ni gacné láabu guiembu. Órni biché Pedro, Jesús gonabdiitz láabu xidal cós né golonés láabu par stipláacabu naduidybu cuent ximodpa nacni (Mt 17:24-26). ¿Xí láani labúu guinabdiitzlo buñ par guiduidyibu cuent ximodpa rarexa toib cós?

• Biduidy guixquix láabu por ni racapybu looy. Jesús gochbu tipnés diitz sacró a toib buñ ni galán cuapy (Mr 12:34). ¿Xí labúu gaibylo a toib buñ ni racapy galrranabdiitz ni cayonylo?

ÓRNI MA BIBIʼLO PRIMER MIDID DE VIDEO GONYNO DXIIN NI BUNY JESÚS: GUISUIDYNO BUÑ, CUAPY GALRRANABDIITZ REʼ:

• Ná mextra reʼ bisuidybu ni merpa sieed ló libro, ¿xigony diti galán mod bisuidybu?

• ¿Xigony diti nosi cuéxano toib tema?

BIBIʼ NI RAROP MIDID DE VIDEO REʼ NÉ CUAPY GALRRANABDIITZ REʼ:

• ¿Xigony labúu guinino que herman reʼ biquiintzaybu galrranabdiitz?

• ¿Xí más labúu guisuidyno de herman reʼ?