MOD NON GUIBANYNO
Xí labúu gonyno par gonyno xchiin Dios más galán: Pal buñ ni casuidylo diti ná guitzaʼ mod nac, bisian láabu
XIGONY RASACNI: Buñ non guiniʼ laa Jehová par labúu guilaa (Ro 10:13, 14). Per diti guirá buñ ni casuidy la Biblia rioladx guisob ni ranab Jehová. Por ngú, par guiquintzayno xtiempno órni ranino xtiitz Dios, raquiin guiyopyno buñ ni nigolú ná guitzaʼ mod nac né guisob ni ná Jehová. Pal toib buñ ni casuidyno la Biblia diti ná guitzaʼ mod nac né ma xidzúyen casuidyno láabu, más galán guisianno láabu né gonyno por gacnéno buñ ni Jehová cagobioo par guibigax ronoʼbu (Jn 6:44). Pal después buñreʼ ratzaʼ mod nac né raslooybu que nainy láabu guibanybu tipzó, sabaladxno guisuidyno láabu la Biblia stoib (Hch 13:48).
XIMOD GONYNO LÁANI:
-
Góoch láabu que galán ngú ni raniiny guisuidybu la Biblia (1Ti 2:4).
-
Góoch láabu que raquiin guisobbu ni casuidybu (Lu 6:46-49).
-
Biyopy mod golexa ilustración ro ritlaa de toib buñ ni goloʼ binii ló layoo, né buny animar láabu gonybu pensary xi cacaa láabu guitzaʼbu mod nabanybu (Mt 13:18-23).
-
Biyopy mod góoch láabu xigony ma diti guisuidylo láabu ni ná la Biblia.
-
Góoch láabu que saninélo láabu por teléfono o sioʼ ór sadudylo lidxbu par gony animarlo láabu, né sasuidyto la Biblia stoib pal ma catzaʼbu mod nacbu.
ÓRNI MA BIBIʼLO VIDEO, CUAPY GUIRÁ GALRRANABDIITZ NI SIEED REʼ:
-
¿Xí láani bislooy que buñguieeu reʼ diti ná guitzaʼ mod nac?
-
¿Ximod gocné herman reʼ a buñguieeu reʼ par naduidybu cuent que raquiin guitzaʼbu mod nacbu?
-
¿Ximod góoch herman reʼ a buñguieeu reʼ que labúu guibiguetbu stoib par guisuidyibu la Biblia?