Órni rabiʼno toib guieʼ móz, xidalguixo vitzón lainy guibá o toib bidoʼs, ¿ronyno pensary lóo Dios ni Bisaʼ lóono la? Guirá ni goyaʼ raslooyni lóono cualidades xtuny Jehová ni diti labúu rabiʼno (Ro 1:20). Pal ronyno pensary ló guirá ni goyaʼ labúu guiduidyno cuent balaati galnadip, galrronladx, galnan, justicia nap Dios, né ximod nacbu toib Dios ni raduidy ni nap (Sl 104:24).

¿Xí cós ni bisaʼ Jehová rabiʼlo guirá dzú? Ná pal rabéslo lainy toib gudxroʼ, labúu rabiʼlo manybiguin o yac móz. Pal rabiʼtzayno guirá ni Bisaʼ Dios labúu gacnéni lóono par diti tzogoluʼno ló galrrasaʼ, par diti gonyxiroʼno galnagan ni cadudyno ló, láaca par gapno fe que Jehová san lóono por tipzó (Mt 6:25-32). Pal noʼ xiinlo, gocné layibu guiduidyibu cuent que diti noʼ stoib ni nap cualidades xomod Jehová, órni rabiʼno guirá ni ma bisaʼ Jehová né raduidyno guixquix por guiráni, más rabigaxno láabu (Sl 8:3, 4).

ÓRNI MA BIBIʼLO VIDEO NI LAA GUIRÁ CÓS SACRÓYEN NI GOYAʼ RASLOOYNI BALAATI GALNADIP NAP DIOS: GALNANÍ NÉ COLOR, CUAPY GUIRÁ GALRRANABDIITZ REʼ:

• ¿Xigony rabiʼno xidal clas color?

• ¿Xigony tipnés color radzaʼni de color?

• ¿Xigony rabiʼno guibá de xidal color?

• ¿Xí color sacróyen ma bibiʼlo lagary ro rabéslo?

• ¿Xigony non cueʼno tiemp guibiʼtzayno ni bisaʼ Jehová?