La Biblia raiby lóono guibiʼno herman ni más nap íz suusi ñacyibu xinaʼno o bixiosno né mbioxhlas suusi ñacyibu bisanno (bíil 1 Timoteo 5:1, 2). Né máspa buñguieeu non gapyibu xiroʼ respet buñgonaʼ.

Toib hermano dipa non kitnébu toib buñgonaʼ nili gonybu que buñgonaʼ guisac mal (Job 31:1). Né toib hermano dipa non kitnébu toib buñgonaʼ ni yása tzoʼ tzeʼel, nili kitquelbu buñgonaʼ reʼ pal diti caa guicbu gonybu galtzeʼel.

Ancianos non guicadiagtzayibu pal noʼ ni ranabdiitz hermanas layibu o pal raibyibu ancianos xi galnagan yása gac reglar lainy congregación. Né nigolú rioʼyibu galrrasaʼ por hermanas ni diti noʼ tzeʼel (Rut 2:8, 9).

ÓRNI MA BIBIʼLO VIDEO NI LAA, GUISLOOYNO LAINY CONGREGACIÓN GALNADXIʼ NI DIPA SADUDY XTZÚ: A BUÑGONAʼ VIOD NÉ BUÑ BISAPY, CUAPY GUIRÁ GALRRANABDIITZ REʼ:

• ¿Ximod bislooy congregación galrronladx a hermana Myint?

• ¿Xigony galnadxiʼ ni bislooy herman gocnéni xpesinyibu par naniʼyibu galán de xcudx Jehová?

• ¿Ximod galnadxiʼ ni bislooy congregación gocnéni guirá xiindzap hermana Myint?

¿Ximod labúu guislooylo que rioʼlo galrrasaʼ por hermanas ni noʼ lainy congregación xtunylo?