Presentaciones ni sieed ro ná «Mod labúu guininéno buñ» nigolú galán nacni, né xidal publicadores ná que nigolú galán raquiin buñ láani ló territorio xtuny. Per diti toibsi midid nac guirá territorios. Por ngú, órni guinino xtiitz Dios labúu guiquiinno stoib tema ni más rioladx buñ. Per ni raquiin guisetnaladxno ngú, guiquiinno presentación ni noʼ par toib campaña especial. Dxiin ni napno ngú, gonyno ni buny mandary Jesús, guinino diitz sacró de Gobierno xtunybu (Mt 24:14).

Órni toib publicador guitudy toib asignación ló reunión ni rac lainy xomal, non guiquimbu tema xtuny presentación ni sieed ló guiich ni laa, Ni non gonyno ló reunión. Per labúu guitzaʼbu galrranabdiitz, texto, galrranabdiitz ni gonybu stoib ór o mod gonybu láani par guicadiag buñ láabu. Información reʼ rioʼni xalagary información ni bireʼ ló página 8 xtuny guiich ni laa, Ni non gonyno ló reunión ni bireʼ beʼo juny íz 2020.