Ló beʼo septiembre, sonyno xtem par guidzelbu buñ ni ná guisuidy né follet ni laa, Bibany goxtiguie. Ló beʼocu labúu gacno precursor auxiliar por 30 ór. ¿Ximod sac campaña reʼ?

• Primer buelt ni gooyno diitz. Biquiin última página ni sieed ló follet reʼ par guiniiny buñ guisuidy la Biblia né bislooy láabu ximod rasuidyno buñ. Diti guialadxlo buñ ni goniiny ñan más, por ejemplo revisit ni naplo. Láaca biyopy buñ ni diti goniiny nasuidy ló dzú ni see, pentzi nigoreʼ sioladxbu follet reʼ né mod rasuidyno buñ. Follet reʼ diti labúu guisianno láani ro yadi buñ nili saxelno láani por carta ronoʼ buñ ni diti ná guisuidy. Comité de Servicio xtuny Congregación labúu guiniʼ xi más dzú labúu guinino xtiitz Dios ló beʼocu.

• Stoib ór. Pal raquiinno camionguien par guinino xtiitz Dios, saquiinno follet ni laa, Bibany goxtiguie. Pal toib buñ rioladx follet reʼ, góoch láabu que labúu tzoʼ ni guisuidy láabu la Biblia. Labúu guislooylo láabu ximod rasuidyno buñ la Biblia o labúu gaibylo láabu que stoib dzú sonylo láani. Superintendente de servicio labúu guinab tipnés herman ni rasuidytzay par tzee ronoʼ negosy né guiyopy buñ ni ná guisuidy la Biblia. Né láaca órni guiniʼlo xtiitz Dios ro casaalo, biyopy buñ ni ná guisuidy la Biblia xomod buñ ni ronynélo dxiin o stipnés buñ.

Jesús góoch lóono guiyopyno buñ ni gac xpiimbu né guisuidyno layibu (Mt 28:19, 20). Racladxno guiquiinno follet Bibany goxtiguie ló campaña reʼ par guirebuʼ xchiinno.