Jehová raniiny que famil tzoʼ nakityibu (Sl 127:3-5; Ec 9:9; 11:9). Per rioʼ ór, riogoluʼno ló galrrasaʼ o rachéno né ngú labúu gony que famil ma diti tzoʼ nakityibu. ¿Xí labúu gony tigaaga buñ ni noʼ lad famil par labúu tzoʼ nakit guiráyibu?

Toib buñguieeu ni natzaay napbu respet tzeelbu (1Pe 3:7). Radudybu tiemp né tzeelbu, diti nanoybu né radudybu guixquix por guirá ni ronybu por tzeelbu né por xfamilbu (Col 3:15). Raibybu tzeelbu que nigolú ronladxbu tzeelbu né rasanadxbu tzeelbu (Pr 31:28, 31).

Toib buñgonaʼ tzaay guirá ór ronybu rutirigaʼlni láabu par gacnébu tzeelbu (Pr 31:12). Rapbu respet né rasobbu tzeelbu (Col 3:18). Rayopybu mod raninébu tzeelbu né raniʼbu galán de tzeelbu nisló stipnés (Pr 31:26).

Buñ ni ma noʼ xiin radudyibu tiemp né xiinyibu (Dt 6:6, 7). Raibyibu xiinyibu que nigolú ronladxyibu xiinyibu (Mt 3:17). Nanyibu pu ór né ximod gony corregiryibu xiinyibu, né guirá ór ronyibu láani né galnadxiʼ (Ef 6:4).

Mbiox ni natzaay xcalrrien rapyibu respet né rasobyibu bixiosyibu né xinaʼyibu (Pr 23:22). Raniʼyibu ni ronyibu pensary né ni rasacyibu. Racacuentyibu disciplina né rapyibu respet (Pr 19:20).

ÓRNI MA BIBIʼLO VIDEO NI LAA, XIMOD LABÚU GUIBANY BUÑ GOXT NÉ XFAMIL, CUAPY GUIRÁ GALRRANABDIITZ NI SIEED REʼ:

• ¿Xí láani buny tigaaga buñ ni noʼ lad famil par labúu goyoʼyibu más nakit?