Guirá buny ni ná tzoʼ xan xomandary Gobierno xtuny Dios non guisuidyibu guirá ni labúuni layibu de Gobierno reʼ né guirá galrradziguiaʼ ni ma bunyni. ¿Xigony? Portín diti nosi sony nadipni fe xtunyibu que Gobierno reʼ ma cayony mandary, láaca sachiinni layibu guisuidyibu stipnés buñ de Gobierno reʼ (Sl 45:1; 49:3). Laʼga cabiʼlo video ni laa, Gobierno xtuny Dios: tigayoʼ íz né más, biyopy ximod rarexa galrranabdiitz ni sieed lainy guet reʼ:

1. ¿Ximod gocné «Foto-Drama de la Creación» a guirá buñ ni bibiʼ láani?

2. ¿Ximod biquiinyibu radio par labúu nacadiag buñ diitz sacró ni sieed de Dios?

3. ¿Xí stipnés mod biquiinyibu par goniʼyibu xtiitz Dios, né ximod birebuʼ xchiinyibu?

4. ¿Ximod cayac más galán galrracné ni cacaʼ herman par guiniʼ xtiitz Dios?

5. ¿Xí galán galrrasuidy cuaʼ guirá herman ni goyee Escuela de Galaad?

6. ¿Ximod racné samblia a xcudx Jehová par guienyibu más xtiitz Dios?

7. ¿Xigony naplo confianz que Gobierno xtuny Dios nigolú noʼni né ma cayony mandaryni?

8. ¿Ximod raslooyno que noʼno xilad Gobierno xtuny Dios?