Órni buñ rabiʼ videos más naguel radxinni lainy xcalnabanyibu portín diti nosi racadiagyibu láaca rabiʼyibu láani. Por ngú buñ más rioladx videos né más riaʼanni guicyibu. Jehová órni bisuidybu buñ biquiimbu cós ni labúu nabiʼyibu (Hch 10:9-16; Rev 1:1).

Videos ni laa, ¿Noʼ laa Dios la?, ¿Chú bisaʼ la Biblia? né ¿Xigony labúu gapno confianz que ni raniʼ la Biblia nigolúni? non guibiʼno láani órni guisuidyno lesiony 2 né 3 ni sieed ló follet ¡Diitz sacró ni sieed de Dios! Videos ¿Xigony guisuidyno la Biblia?, ¿Ximod rasuidyno buñ de la Biblia? né ¿Ximod rac xireuniondo? noʼni par gacnéni buñ guisuidy la Biblia né lóono né guioladxyibu tzeeyibu reunión. Láaca, tipnés videos né películas ni noʼ labúu guibiʼno láani né buñ órni casuidyno layibu (km-S 5/13 pág. 3).

• Antes de tzeelo guiniʼlo xtiitz Dios bilit video ni nainy guilooylo buñ.

• Buny pensary ló toib o chop galrranabdiitz ni gonylo láabu ni rarexa ló video cú.

• Colguibiʼ video cú toibsi.

• Colguiniʼ xí láani rareʼ loguiaʼ ló video cú.

• Goyee ló última página ni sieed ló nitisi tratad né bilooy láabu código ni raxel láabu ronoʼ video ni laa, ¿Xigony guisuidyno la Biblia?

• Bilooy láabu video ni laa, ¿Xigony labúu gapno confianz que ni raniʼ la Biblia nigolúni? né biduidy láabu follet ¡Diitz sacró ni sieed de Dios! Goleʼ loguiaʼ ni ná lesiony 3.