Guirá cristianos ni ma noʼ xiin raniiny layibu que xiinyibu dipa guisian Jehová. Labúu sácni scú, pal ronyto xtem guisuidyto layibu ni ná la Biblia desde dzú niyeʼensayibu (Dt 6:7; Pr 22:6). ¿Nagan dxiinreʼ la? Scú, nigolú raquiin gonylo xtem, per sacaʼlo xiroʼ galnasác (3Jn 4).

Buñ ni ma noʼ xiin labúu guisuidyibu ejemplo xtuny José né María. Layibu guirá íz biaʼyibu «goyeeyibu gudx Jerusalén par bunyibu lanii Pascua», ná bunyibu xiroʼ xtem né xiroʼ gaxt (Lu 2:41). Par José né María, más gosac que xfamilybu ñen Jehová. Ló naareʼ, buñ ni ma noʼ xiin láaca labúu guisanésyibu xiinyibu galán pal ronyibu rutirigaʼlni layibu guisuidyibu xiinyibu por mod raniʼyibu né mod ronyibu (Sl 127:3-5).

ÓRNI MA BIBIʼLO VIDEO NI LAA, BUNYIBU XCHIIN DIOS DADA RUTIGOYGAʼLNI LAYIBU, CUAPY GALRRANABDIITZ REʼ:

• Laʼga Jon né Sharon Schiller bisniʼsyibu xiinyibu, ¿ximod goloʼyibu xchiin Dios primer lagary?

• ¿Xigony diti toibsi mod non gony corregir buñ guiráca xiin?

• ¿Ximod labúu guisuidy buñ xiin par gony guantary prueby né dipa galsit de Dios?

• Lad guirá herramientas ni ma biduidy xcudx Jehová lóono, ¿xí láani raquiinlo par gacnélo xiinlo gac ximig Jehová?