XIGONY RASACNI: Órni rasuidyno Xtiitz Dios racnéni lóono guienno «balaati xilag, sioʼol, nasoʼ né guetdii» nac xcalnan Dios (Ef 3:18). Láaca racnéni lóono diti gapno dool né diti gac buidyno lad gudxliogoxreʼ, né «guinásdxichno Xtiitz Dios» (Flp 2:15, 16). Órni rasuidyno Xtiitz Dios racnéni lóono ganno xi raquiin guisuidyno. ¿Ximod labúu guiquintzayno xtiempno órni rolno né rasuidyno la Biblia?

XIMOD GONYNO LÁANI:

• Gony subrayarno tipnés versículos né guicaʼno ló Biblia xtunyno xi cayenno ná pal rolno láani ló guiich, ló tableta o ló celular.

• Laʼga cayolno la Biblia guinabdiitzno ndeʼ: ¿chú láabu?, ¿xí láani?, ¿pu lagary?, ¿pu dzú?, ¿ximod gocni? né ¿xigony?

• Guisuidyno toib versículo nanoy. Labúu guiquiinno guirá herramientas ni noʼ par guiyopyno ximod rarexa toib tema o toib versículo.

• Gonyno pensary ló ni ma bisuidyno par ganno ximod racnéni lóono.

• Guirá dzú guisobno ni casuidyno (Lu 6:47, 48).

ÓRNI MA BIBIʼLO VIDEO NI LAA, ÓRNI RASUIDYNO XTIITZ DIOS NANOY RIENNO LÁANI MÁS, CUAPY GALRRANABDIITZ NI SIEED REʼ:

• ¿Ximod rasuidy tipnés herman la Biblia?

• ¿Xigony raquiin guinabno xcalrracné Dios antes de guisuidyno?

• ¿Xí láani labúu gacné lóono guientzaayno textos ni sieed ló la Biblia?

• ¿Ximod labúu guisuidyno né gony subrayarno Biblia xtunyno?

• ¿Xigony rasac gonyno pensary órni rasuidyno Xtiitz Dios?

• ¿Xí raquiin gonyno né guirá ni rasuidyno?