Antes de coʼno guicno gonyno toib cós, ná pal nacni mitien o xiroʼ, ¿ranabdiitzno lóocano xí sony pensary Jehová la? Ná dipa simbutzayno mod nac xpensary Jehová, ló Xtiitzbu la Biblia raibybu lóono ni raquiin gonyno par labúu tzoʼno puext gonyno «guirá clas dxiin galán» (2Ti 3:16, 17; Ro 11:33, 34). Jesús bidudy cuent xi rioladx Jehová né ngú ni más gosac par láabu (Jn 4:34). Xomodca Jesús, gonyno rutirigaʼlni lóono por gonyno cós ni rioladx Jehová (Jn 8:28, 29; Ef 5:15-17).

ÓRNI MA BIBIʼLO VIDEO NI LAA, GUIDUDYNO CUENT XI LÁANI RIOLADX JEHOVÁ (LE 19:18), CUAPY GALRRANABDIITZ NI SIEED REʼ:

• ¿Xigony non guisobno xilitz la Biblia?

• ¿Xí litz ni sieed ló la Biblia guisobno órni cuuno xí clas música guicadiagno?

• ¿Xí litz ni sieed ló la Biblia guisobno órni cuuno mod gactzayno né xí clas lairy guacno?

• ¿Xí stipnés mod non guisobno xilitz la Biblia?

• ¿Xí raquiin gonyno par guidudyno cuent xí cós rioladx Jehová?