Lagary ro ná «Mod labúu guininéno buñ» desde beʼo enero íz 2018 sieedni ló guiich Mod nabanyno né mod ronyno Xchiin Dios: Ni non gonyno ló reunión. ¿Ximod labúu guiquiinno láani?

Ló asignaciones estudiantiles. Non guiquiinno galrranabdiitz, texto né galrranabdiitz ni guicapyno stoib ór ni sieed lagarycu. Per diti fuerspa guinino modpa sieed ló videos. Por ejemplo, labúu gonyno láani de xidal mod, guitzaʼno mod salóno o guiyopyno mod guisienno buñ. Láaca labúu guidudyno láabu toib libro o guiich ni sieed ló kit de enseñanza, ná ló guiich ni racaʼno diti sieed que scú non gonyno láani.

Órni guinino xtiitz Dios. Lagary reʼ rasuidyno ximod guinino xtiitz Dios. Pal toib buñ ná gan más, labúu guininéno láabu más né sigory guiquiinno ni sieed ló toib revista. Labúu guinino xomod bisuidyno ló reunión o labúu gonyno láani stoib mod. ¿Más galán guinino stoib tema o guiquiinno stoib texto ló territorio xtunyno la? ¿Ló ndeʼga goyoʼ toib galnadx o toib notísy ni sioladx buñ ló territorio xtunylo la? Labúu gonyno láani xomod radudy ló reunión, per diti guialadxno ni goniʼ Pablo: «Roni guirá ndeʼ por diitz sacró, par gaabi láani stipnés buñ» (1Co 9:22, 23).