CÓS NI RASAC NI SIEED LÓ LA BIBLIA | JOB 1-5
Job buny ni ná Dios órni godudybu ló galnagan
Job bibanybu gudx Uz ló dzú guirá israelitas goyoʼ xan xomandary Egipto. Ná Job diti góc israelita láabu buny adorarbu Jehová. Gopbu toib family xiroʼ né láaca gócbu buñ ric. Gócbu toib buñxirop lagary ro golésbu, portín gócbu toib buñ ni naní xcalrrien né ni buny xinésni. Láaca gocnébu buñ pobre né buñ ni godudy ló galnagan. Job góc toib buñguieeu ni buny ni ná Dios.
Job biduidy diitz que Jehová góc ni más gosac par láabu dzú bibanybu
-
Buñdzab bibiʼ que Job góc toib buñguieeu ni buny ni ná Jehová. Buñdzab gonbu que Job guirá ór bisobdiitzbu Jehová; ná scú, goniʼbu que Job diti bisob a Jehová né guidopy xcalnabany.
-
Buñdzab goniʼbu que Job buny ni ná Dios nosi por ni cuaʼbu galnasác.
-
Par ñenni que ni goniʼ Buñdzab diti nigolúni, Jehová biduidy lagary que Buñdzab natuidybu Job ló galnagan.
-
Job diti bisiambu bunybu ni ná Dios, por ngú Buñdzab goniʼ que cada toib buñgudxlio labúu guisob Dios per diti né guidopy xcalnabany.
-
Job diti goniʼbu mal de Dios né láaca diti bigotzbu dool Dios por guirá desgrasy ni gopbu.
